ଦେବଗଡ଼,ଏନ୍ଏନ୍ଏସ୍: ଦେବଗଡ ଥାନା ନୂଆଭୂଇଁ ଗ୍ରାମ ସ୍କୁଲ ବାରଣ୍ଡାରୁ ଆଜି ଜଣେ ଅଚିହ୍ନା ଯୁବକଙ୍କ ମୃତଦେହ ଉଦ୍ଧାର ହୋଇଛି । ମୃତ ଯୁବକଙ୍କ ନିକଟରେ ଏକ ପ୍ଲାଷ୍ଟିକ ବ୍ୟାଗ ପଡିଥିଲା। ତାଙ୍କର କୌଣସି ପରିଚୟ ମିଳିନାହିଁ। ପୁଲିସ ମୃତଦେହ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟର ଶବାଗାରରେ ସଂରକ୍ଷିତ ରଖି ପରିଚୟ ଖୋଜୁଛି। ଅନ୍ୟପକ୍ଷରେ ମୃତ ବ୍ୟକ୍ତିଙ୍କ କେହି ସମ୍ପର୍କୀୟ ଥିଲେ ଦେବଗଡ ଥାନା ପୁଲିସ ସହ ଯୋଗାଯୋଗ କରି ମୃତଦେହ ନେବାକୁ ସୂଚନା ଦିଆଯାଇଛି।
