ବାରିପଦା,ଏନ୍ଏନ୍ଏସ୍: ମୟୂରଭଞ୍ଜ ଜିଲ୍ଲା ବାଦାମପାହାଡ଼ ଥାନା ସୁଲେଇପାଟ ଫାଣ୍ଡି ଅଞ୍ଚଳ ଜୟପୁର ଜାମୁଡ଼ିସାହିରେ ବିଦ୍ୟୁତ ସଂସ୍ପର୍ଶରେ ଆସି ବାସୁଦେବ ସେଠୀ(୩୦)ଙ୍କର ମୃତ୍ୟୁ ହୋଇଛି। ସେ ନିଜ ଘରେ ବିଦ୍ୟୁତ୍ ବଲବ ଲଗାଉଥିବା ବେଳେ ଅସାବଧାନତାରୁ ତାର ଛିଣ୍ଡି ଦେହରେ ଲାଗିଯାଇଥିଲା। ଫଳରେ ସେ ସେଠାରେ ସଂଜ୍ଞା ହରାଇ ତଳେ ପଡ଼ିଯାଇଥିଲେ। ତାଙ୍କୁ ସଙ୍ଗେସଙ୍ଗେ ରାଇରଙ୍ଗପୁର ଡ଼ାକ୍ତଖାନା ନିଆଯାଇଥିଲା। ସେଠାରେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ। ବାଦାମପାହାଡ଼ ପୁଲିସ ଏକ ଅପମୃତ୍ୟୁ ମାମଲା ରୁଜୁକରି ଶବ ବ୍ୟବଚ୍ଛେଦ କରାଇ ପରିବାରକୁ ହସ୍ତାନ୍ତର କରିଛି।
