ଜୟପୁର,ଏଜେନ୍ସି: ରାଜସ୍ଥାନର ଜୟପୁରରେ ଏକ ଗ୍ୟାସ୍ ସିଲିଣ୍ଡର୍ ବିସ୍ଫୋରଣ ଘଟି ୨ ଜଣଙ୍କ ମୃତ୍ୟୁ ହୋଇଛି। ପୁଲିସ୍ ସୂତ୍ରରୁ ପ୍ରକାଶ ଜୟପୁର ସହରରେ ଥିବା ତାଡ଼କେଶ୍ୱର ମନ୍ଦିର ପରିସରରେ ସୋମବାର ବିସ୍ଫୋରଣ ଘଟିଥିଲା। ମାନକଚୌକ ଥାନା ଅଧିକାରୀ ଜିତେନ୍ଦ୍ର ସିଂହ ରାଠୋର କହିଛନ୍ତି, ସିଲିଣ୍ଡର୍ ବିସ୍ଫୋରଣରେ ସମ୍ପୃକ୍ତ କୋଠାର କିଛି ଅଂଶ ଭୁଶୁଡ଼ି ପଡ଼ିବାରୁ ତା’ତଳେ ଜଣେ ମହିଳା ଓ ଜଣେ ଶିଶୁ ରହିଯାଇଥିଲେ। ସେମାନଙ୍କୁ ଧ୍ୱଂସସ୍ତୂପ ତଳୁ ଉଦ୍ଧାର କରି ହସ୍ପିଟାଲ୍କୁ ନିଆଯାଇଥିଲେ ମଧ୍ୟ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ। ସୋମବାର ହୋଇଥିବାରୁ ମନ୍ଦିରରେ ଶ୍ରଦ୍ଧାଳୁଙ୍କ ଭିଡ଼ ଥିବା ସମୟରେ ଏଭଳି ବିସ୍ଫୋରଣ ଘଟିଥିଲା। ନିକଟରେ ରାଜ୍ୟର ଶିକାର ଜିଲ୍ଲାରେ ସିଲିଣ୍ଡର୍ ବିସ୍ଫୋରଣ ଘଟିବାରୁ ୮ ଜଣଙ୍କ ମୃତ୍ୟୁ ହୋଇଥିଲା।
