ଗୁଜରାଟ: ବାତ୍ୟା ‘ବିପର୍ଯ୍ୟୟ’ ବୁଧବାର ଗୁଜରାଟର କଚ୍ଛ ଜିଲ୍ଲାରେ ପ୍ରବେଶ କରିବା ପରେ ଭାବନଗର ଓ ରାଜ୍ୟର ଅନେକ ଅଞ୍ଚଳରେ ଦ୍ରୁତ ଗତିରେ ବର୍ଷା ହୋଇଥିଲା । ବାତ୍ୟା ଯୋଗୁ ହୋଇଥିବା ପବନ ଅନେକ ସ୍ଥାନରେ ବଡ଼ ସଂଖ୍ୟାରେ ଗଛ ଉପୁଡ଼ି ପଡ଼ିବା ସହ ୯୦୦ରୁ ଉର୍ଦ୍ଧ୍ୱ ଗାଁରେ ବିଜୁଳି ନାହିଁ । ସମୁଦ୍ର ନିକଟବର୍ତ୍ତୀ ତଳ ଅଞ୍ଚଳରେ ଜଳମଗ୍ନ ହୋଇଯାଇଛି । ବାତ୍ୟା ଯୋଗୁ ୨ଜଣଙ୍କ ମୃତ୍ୟୁ ଘଟିଥିବାବେଳେ ୨୨ଜଣ ଆହତ ହୋଇଥିବା ନେଇ ସୂଚନା ମିଳିଛି ।
ସୂଚନାଯୋଗ୍ୟ, ବର୍ତ୍ତମାନ ସମୟରେ ଝଡ଼ ରାଜସ୍ଥାନ ମୁହାଁ ହୋଇଛି । ଦକ୍ଷିଣ ରାଜସ୍ଥାନରେ ବର୍ଷା ହେବାର ସମ୍ଭାବନା ରହିଛି । ରାଜସ୍ଥାନରେ ଏହାର ମୁକାବିଲା କରିବା ପାଇଁ ଜୋରଦାର ପ୍ରସ୍ତୁତି ଚାଲିଛି । ଏନଡିଆରଏଫ ଡିଜି ଅତୁଲ କରବାଲ ଆଜି ପ୍ରେସ କନଫ୍ରେନ୍ସ କରି ଏହି ଅଭିଯାନ ସମ୍ବନ୍ଧରେ ସୂଚନା ଦେଇଛନ୍ତି ।
