କରୋନା ମୁକାବିଲା : ପୁଲିସଙ୍କ ପାଇଁ ଷ୍ଟେଟ ବ୍ୟାଙ୍କ ପକ୍ଷରୁ ସହାୟତା

ଦେବଗଡ,ଏନ୍ଏନ୍ଏସ୍ : ବିଶ୍ୱବ୍ୟାପି ଆତଙ୍କ ସୃଷ୍ଟି କରିଥିବା କରୋନା ସଂକ୍ରମଣକୁ ନେଇ ସାରା ବିଶ୍ୱରେ ଆତଙ୍କର ବାତାବରଣ ଥିବା ବେଳେ ଦେଶରେ ମଧ୍ୟ ସଂକ୍ରମଣକୁ ରୋକିବା ପାଇଁ ସାମାଜିକ ଦୂରତା ଉଦ୍ଦେଶ୍ୟରେ ସାରା ଦେଶ ଲକଡାଉନ ରହିଛି । କରୋନା ଯୁଦ୍ଧର ମୁକାବିଲାରେ ପୁଲିସ ବିଭାଗର କର୍ମଚାରୀମାନେ ଦିନ ରାତି ସେବା ଯୋଗାଇ ଦେଇ ଆସୁ ଥିବାରୁ ଜିଲ୍ଲା ପୁଲିସରେ କାର୍ଯ୍ୟରତ ଅଧିକାରୀ ଓ କର୍ମଚାରୀ ମାନଙ୍କ ପାଇଁ ଆଜି ଭାରତୀୟ ଷ୍ଟେଟ ବ୍ୟାଙ୍କ ଦେବଗଡ ଶାଖା ପକ୍ଷରୁ ବିଭିନ୍ନ ସାମଗ୍ରୀ ଯୋଗାଇ ଦିଆଯାଇଛି ।

ଆଜି ପୂର୍ବାହ୍ନରେ ଭାରତୀୟ ଷ୍ଟେଟ ବ୍ୟାଙ୍କ ଦେବଗଡ ଶାଖା ମୁଖ୍ୟ ପରିଚାଳକ ଭରତ ଚରଣ ସାହୁ ଓ ଲିଡ ବ୍ୟାଙ୍କ ଅଧିକାରୀ ଭୀମ ଚରଣ ମାଝୀ ଦେବଗଡ ଏସପିଙ୍କ କାର୍ଯ୍ୟାଳୟକୁ ଯାଇ ଏସପି ରାହୁଲଜୈନଙ୍କୁ ସାକ୍ଷାତ କରି ବ୍ୟାଙ୍କ ପକ୍ଷରୁ ଜିଲ୍ଲାରେ କରୋନା ମୁକାବିଲାରେ ନିୟୋଜିତ ପୁଲିସ କର୍ମଚାରୀଙ୍କ ପାଇଁ ଛତା,ସାନିଟାଇଜର,ହାତଧୁଆ ସାବୁନ ,ପାଣି ବୋତଲ ,ବିସ୍କୁଟ ଓ କେକ ଆଦି ଏସପିଙ୍କୁ ପ୍ରଦାନ କରିଥିଲେ । ଭାରତୀୟ ଷ୍ଟେଟ ବ୍ୟାଙ୍କର ଏଭଳି ଉଦ୍ୟମକୁ ଜିଲ୍ଲା ପୁଲିସ ପକ୍ଷରୁ ସ୍ୱାଗତ କରାଯାଇଛି ।