ଭୁବନେଶ୍ୱର,ଏନ୍ଏନ୍ଏସ୍: ରାଜ୍ୟରେ ଆଜି ପୁଣି କରୋନା ପଜିଟିଭ କେସ୍ ଶତକ ଅତିକ୍ରମ କରିଛି। ଏହି ପରିପ୍ରେକ୍ଷୀରେ ଆଜି ଗୋଟିଏ ଦିନରେ ରାଜ୍ୟରେ ମୋଟ ୧୦୩ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି।
ଏମାନଙ୍କ ମଧ୍ୟରେ ୭ ଜଣ ସ୍ଥାନୀୟ ଅଞ୍ଚଳରୁ ଚିହ୍ନଟ ହୋଇଛନ୍ତି। ଏ ନେଇ ରାଜ୍ୟ ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି।
ତେବେ ଚିହ୍ନଟ ହୋଇଥିବା ବ୍ୟକ୍ତିମାନଙ୍କ ମଧ୍ୟରେ ଗଞ୍ଜାମର ୪ଜଣ, ଯାଜପୁର,ମୟୁରଭଞ୍ଜ, କେନ୍ଦୁଝର, କନ୍ଧମାଳ ଓ ଢ଼େଙ୍କାନାଳରୁ ଜଣେ ଲେଖାଏଁ, ବାଲେଶ୍ୱର ଓ ଖୋର୍ଦ୍ଧାରୁ ୫ଜଣ ଲେଖାଏଁ, ଭଦ୍ରକ ଓ ବଲାଙ୍ଗିରରୁ ୮ଜଣ ଲେଖାଏଁ, ଗଜପତି ଓ କୋରାପୁଟରୁ ୬ଜଣ ଲେଖାଏଁ, କେନ୍ଦ୍ରାପଡ଼ାରୁ ୧୫ ଜଣ, ଜଗତସିଂହପୁରରୁ ୧୦ ଜଣ, ଦେବଗଡ଼ରୁ ୨୨ ଜଣ ଏବଂ ମାଲକାନଗିରିରୁ ୯ ଜଣ ଚିହ୍ନଟ ହୋଇଛନ୍ତି। ଏଥିସହ ସର୍ବାଧିକ ଦେବଗଡ଼ ଅଞ୍ଚଳରୁ ଚିହ୍ନଟ ହୋଇଛନ୍ତି।
ସେହିପରି ବର୍ତ୍ତମାନ ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୧୪୩୮ ହୋଇଥିବା ବେଳେ ଆକ୍ଟିଭ କେସ୍ ୮୮୧। ସୁସ୍ଥ ହୋଇଛନ୍ତି ୫୫୦ ଜଣ ଓ ୭ ଜଣଙ୍କ ମୃତ୍ୟୁ ଘଟିଛି।
