ପାଟଣାଗଡ଼,ଏନ୍ଏନ୍ଏସ୍: ପାଟଣାଗଡ଼ ସାରା ଦେଶରେ ଦେଖାଦେଇଥିବା କରୋନା ସଂକ୍ରମଣ ଦେଖାଦେଇ ଦିନକୁ ଦିନ ହୁ ହୁ ବଢିବାରେ ଲାଗିଛି। ଏହି ପରିପ୍ରେକ୍ଷୀରେ ଜନସାଧାରଣଙ୍କୁ ସଚେତନ କରିବା ପାଇଁ ଆଜି ପାଟଣାଗଡ଼ ଲାୟନ୍ସ କ୍ଲବର ସମସ୍ତ ସଭ୍ୟମାନେ ସ୍ଥାନୀୟ ରାମଜି ଛକଠାରେ ଏକଜୁଟ ହୋଇ ହାତରେ ବିଭିନ୍ନ ପ୍ରକାର ପ୍ଲାକାର୍ଡ ଧରି ସଚେତନତା କରାଉଛନ୍ତି। କ୍ଲବର ସଭାପତି ଶ୍ରୀକାନ୍ତ ପାତ୍ରଙ୍କ ନେତୃତ୍ୱରେ ଏହି ସଚେତନତା କାର୍ୟ୍ୟକ୍ରମ କରାଯାଉଛି।
ଏହି ପରିପ୍ରେକ୍ଷୀରେ ଲୋକମାନଙ୍କୁ ସାମାଜିକ ଦୂରତା ବଜାୟ ରଖିବା ସଙ୍ଗେ ସଙ୍ଗେ ମାସ୍କ ପିନ୍ଧିବା ପାଇଁ କହୁଥିଲେ। ଏହି ସଚେତନା ଶୋଭାଯାତ୍ରାରେ ପାଟଣାଗଡ଼ ଲାୟନ୍ସ କ୍ଳବର ସଭ୍ୟ ପ୍ରଦୀପ ବଂସଲ, ସଦାଶିବ ସରାଫ, ମନୋଜ ନନ୍ଦ, ଗଜାନନ ଅଗ୍ରୱାଲ, ଦର୍ପ ଗଞ୍ଜନ ପଟ୍ଟନାୟକ, ବୀରେନ୍ଦ୍ର ପାତ୍ର, ଦଶରଥ ମେହେର ପ୍ରମୁଖ ଯୋଗଦେଇଥିଲେ। ଆଗାମୀ ଦିନରେ କ୍ଲବ ତରଫରୁ କରୋନା ଭାଇରସ ରୋକିବା ପାଇଁ ବିଭିନ୍ନ ପ୍ରକାର ସହାୟତା ଯୋଗାଇ ଦିଆଯିବ ବୋଲି ସଭାପତି ଶ୍ରୀକାନ୍ତ ପାତ୍ର କହିଛନ୍ତି।
