ଭୋପାଳ,ଏଜେନ୍ସି: ଭୟଙ୍କର ସଡକ ଦୁର୍ଘଟଣାରେ ଚାଲିଗଲା ୭ ଯାତ୍ରୀଙ୍କ ଜୀବନ। ଏକ ବସ ଓ କଣ୍ଟେନର ମଧ୍ୟରେ ଦୁର୍ଘଟଣା ଘଟିବା ଦ୍ୱାରା ୭ ଜଣ ପ୍ରାଣ ହରାଇଥିବା ବେଳେ ୧୩ ଜଣ ଗୁରୁତର ହୋଇଛନ୍ତି। ସୂଚନାନୁସାରେ, ମଧ୍ୟପ୍ରଦେଶ ଭିଣ୍ଡ୍ ନିକଟବର୍ତ୍ତୀ ଭିରଖାଦି ଗ୍ରାମରେ ଏହି ଦୁର୍ଘଟଣା ଘଟିଛି। ବସଟି ଯାତ୍ରୀଙ୍କୁ ନେଇ ଯାଉଥିବା ବେଳେ ଏକ କଣ୍ଟେନର ଏହାକୁ ଧକ୍କା ଦେଇଥିଲା। ଫଳରେ ଘଟଣାସ୍ଥଳରେ ୭ ଜଣ ପ୍ରାଣ ହରାଇଥିଲେ। ଏହାସହ ୧୩ ଜଣ ଆହତ ହୋଇଛନ୍ତି।
ଗୁରୁତରଙ୍କ ମଧ୍ୟରେ ୪ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି। ସମସ୍ତ ଆହତଙ୍କୁ ଗ୍ୱାଲିଅରରେ ଭର୍ତ୍ତି କରାଯାଇଛି। ତେବେ ଘଟଣାର ତଦନ୍ତ ଚାଲିଥିବା ନେଇ ଭିଣ୍ଡ୍ ଏସପି ମନୋଜ ସିଂ କହିଛନ୍ତି।
