ନୂଆଦିଲ୍ଲୀ: କଂଗ୍ରେସ ଅଧ୍ୟକ୍ଷ ପଦର ନିର୍ବାଚନ ଆଜି ଶେଷ ହୋଇଛି । ଏଥିରେ ବରିଷ୍ଠ ନେତା ମଲ୍ଲିକାର୍ଜୁନ ଖଡ଼ଗେ ଓ ଶଶି ଥରୁର ପ୍ରତିଦ୍ୱନ୍ଦ୍ୱିତା କରୁଛନ୍ତି । ଏହାର ଫଳାଫଳ ଆସନ୍ତା ୧୯ ତାରିଖରେ ଘୋଷଣା କରାଯିବ ବୋଲି ଜଣାପଡ଼ିଛି । କଂଗ୍ରେସ କେନ୍ଦ୍ରୀୟ ନିର୍ବାଚନ ପ୍ରାଧିକରଣର ଅଧ୍ୟକ୍ଷ ମଧୁସୂଦନ ମିସ୍ତ୍ରୀ କହିଛନ୍ତି ଯେ, ପାଖାପାଖି ୯୬ ପ୍ରତିଶତ ମତଦାନ ହୋଇଛି । ସବୁଠି ମତଦାନ ଶାନ୍ତିପୂର୍ଣ୍ଣ ଭାବେ ହୋଇଛି ।
ସୂଚନାଯୋଗ୍ୟ, ମନମୋହନ ସିଂହ, ସୋନିଆ ଗାନ୍ଧୀ ଓ ପ୍ରିୟଙ୍କା ଗାନ୍ଧୀ ଦିଲ୍ଲୀସ୍ଥିତ ମୁଖ୍ୟାଳୟରେ ମତଦାନ କରିଛନ୍ତି । ଅନ୍ୟପଟେ ରାହୁଲ ଗାନ୍ଧୀ କର୍ଣ୍ଣାଟକର ବେଲ୍ଲାରୀରେ ‘ଭାରତ ଯୋଡ଼ୋ ଯାତ୍ରା’ ସହ ସମ୍ବୋଧିତ କଣ୍ଟେନରଯୁକ୍ତ ବିଶ୍ରାମ ଶିବିରରେ ହୋଇଥିବା ମତଦାନ କେନ୍ଦ୍ରରେ ଭୋଟ ଦେଇଛନ୍ତି । ଏଠାରେ ରାହୁଲଙ୍କ ସହ ପାଖାପାଖି ୪୦ଜଣ ନେତା ଭୋଟ ଦେଇଛନ୍ତି ।
