ରାଜ୍ୟ ସଭା ନିର୍ବାଚନ ପାଇଁ କଂଗ୍ରେସ ଘୋଷଣାକଲା ୯ ପ୍ରାର୍ଥିଙ୍କ ନାମ

ନୂଆଦିଲ୍ଲୀ,ଏଜେନ୍ସି: କଂଗ୍ରେସ ରାଜ୍ୟସଭା ନିର୍ବାଚନ ପାଇଁ ନିଜର ପ୍ରାର୍ଥି ତାଲିକା ପ୍ରକାଶ କରିଛି । ଏହି ତାଲିକାରେ ଛତିଶଗଡ଼,ଝାଡ଼ଖଣ୍ଡ, ମଧ୍ୟପ୍ରଦେଶ, ମହାରାଷ୍ଟ୍ର, ମେଘାଳୟ ଓ ରାଜସ୍ଥାନ ପାଇଁ ଦଳ ତାରପ୍ରାର୍ଥି ତାଲିକାପ୍ରକାଶ କରିଛି । ତାଲିକା ଅନୁଯାୟୀ ମଧ୍ୟପ୍ରଦେଶ ପାଇଁ ଦିଗ୍‌ବିଜୟ ସିଂ, ଫୁଲ୍‌ ସିଂ ବାରେୟା ପ୍ରାର୍ଥି ହେବେ । ଛତିଶଗଡ଼ରୁ ଟି.ଏସ୍‌ ତୁଲସୀ ଓ ଶ୍ରୀମତୀ ଫୁଲ ଦେବୀ ନେତାମଙ୍କୁ ରାଜ୍ୟସଭା ପଠାଇବା ପାଇଁ ନିଷ୍ପତ୍ତି ନିଆଯାଇଛି ।

ସେହିପରି ଝାଡ଼ଖଣ୍ଡ ପାଇଁ ଶହାଜାଦା ଅନଓ୍ଵର, ମହାରାଷ୍ଟ୍ରରୁ ରାଜୀବ ସାଟମ, ରାଜସ୍ଥାନରୁ କେ.ସି. ବେଣୁଗୋପାଳ ଓ ନୀରଜ ଡ଼ାଙ୍ଗୀ ଏବଂ ମେଘାଳୟରୁ କେନେଡ଼ି କୋମେଲିୟସ୍‌ଙ୍କ ନାମ ଘୋଷଣା କରାଯାଇଛି । ଗୁଜୁରାଟରୁ ଶକ୍ତି ସିଂ ଗୋହେଲି ଓ ଭାରତ ସିଂ ସିଲଙ୍କିଙ୍କୁ ରାଜ୍ୟସଭା ପଠାଇବା ପାଇଁ ନିଷ୍ପତ୍ତି ନିଆଯାଇଛି । ସେହିପରି ହରିଆଣାରୁ ଭୁପେନ୍ଦର ସିଂ ନଡ଼ଡ଼ାଙ୍କ ପୁଅ ଦୀପେନ୍ଦ୍ର ସିଂ ନଡ଼ଡ଼ାଙ୍କୁ ପ୍ରାର୍ଥି କରାଯାଇଥିବା ଜଣାଯାଇଛି ।