ରିଆମାଳ,ଏନ୍ଏନ୍ଏସ୍: ରିଆମାଳ ବ୍ଲକ ରିଆମାଳ ପଞ୍ଚାୟତ ଅନ୍ତର୍ଗତ ସୁବର୍ଣ୍ଣପାଲି ଗ୍ରାମ ରାସ୍ତାର ଉନ୍ନତୀକରଣ ନିମନ୍ତେ ଗ୍ରାମବାସୀଙ୍କ ପକ୍ଷରୁ ପଞ୍ଚାୟତ ତଥା ବ୍ଲକ ପ୍ରଶାସନ ନିକଟରେ ଦାବୀ କରାଯାଇଛି । ମିଳିଥିବା ରିପୋର୍ଟ ମୁତାବକ, ରିଆମାଳ ଗ୍ରାମ ସହିତ ସୁବର୍ଣ୍ଣପାଲି ଗ୍ରାମ ଲାଗିକି ରହିଥିବାରୁ ଉକ୍ତ ରାସ୍ତାଟି ବାଇପାସ୍ ରୂପେ ଗ୍ରହଣ କରାଯାଇଥାଏ । ରାସ୍ତାଟି ପାହାଡ଼ର ପାଦ ଦେଶରେ ଥିବାରୁ ବର୍ଷା ସମୟରେ ଝରଣା ବାହାରି ରାସ୍ତାଟିକୁ ନଷ୍ଟ କରିଥାଏ। ଉକ୍ତ ରାସ୍ତାଟି ପ୍ରାୟ ସମୟରେ ଭିଡ଼ ରହୁଥିବାରୁ ଯାତାୟତରେ ବାଧା ସୃଷ୍ଟି ହୋଇଥାଏ । ମୁଖ୍ୟତଃ ବୁଧବାର ରିଆମାଳରେ ସାପ୍ତାହିକ ବଜାର ଥିବାରୁ ବହୁ ଜନସାଧାରଣଙ୍କ ସମାଗମ ହେବା ଫଳରେ ରିଆମାଳ ମୁଖ୍ୟ ରାସ୍ତାରେ ଭିଡ଼଼ ଲାଗିଥାଏ ଓ ସେଦିନ ସୁବର୍ଣ୍ଣପାଲି ରାସ୍ତାରେ ପ୍ରାୟ ସମସ୍ତେ ଯାତାୟତ କରିଥାଆନ୍ତି । ରାସ୍ତାଟି ଏତେ ଖରାପ ଯେ ଗାଡ଼ି ମଟର ଓ ୨ ଚକିଆ ଯାନ ଭଲ ଭାବରେ ଯାତାୟତ କରିପାରୁ ନାହିଁ । ତେଣୁ ଯଥାଶୀଘ୍ର ପଞ୍ଚାୟତ ତଥା ବ୍ଲକ ପ୍ରଶାସନ ଉକ୍ତ ରାସ୍ତାର ଉନ୍ନତିକରଣ ପାଇଁ ଦୃଷ୍ଟି ଦେବାକୁ ଗ୍ରାମବାସୀଙ୍କ ପକ୍ଷରୁ ଦାବୀ ହୋଇଛି ।
