ଭୁବନେଶ୍ୱର,ଏନ୍ଏନ୍ଏସ୍: ବିଶିଷ୍ଟ ସିନେମାଟୋଗ୍ରାଫର ଗାଗାରିନ ମିଶ୍ରଙ୍କର ହୃଦଘାତରେ ପରଲୋକ ହୋଇଯାଇଛି। ମୃତ୍ୟୁ ବେଳକୁ ତାଙ୍କୁ ୬୭ ବର୍ଷ ହୋଇଥିଲା। ମୁମ୍ବାଇର ଏକ ଘରୋଇ ହସ୍ପିଟାଲରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି।
ସେହିପରି ସ୍ୱର୍ଗତ ଗାଗାରିନ ଫୁଲଚନ୍ଦନ, ନଈ ସେପାରୀ କନକ ଗୋରୀ, ଆଦି ବହୁ ଓଡ଼ିଆ ସୁପରହିଟ ଫିଲ୍ମରେ କାମ କରିଛନ୍ତି। ଏପରିକି ୨୦୧୧ରେ ଶ୍ରେଷ୍ଠ କ୍ୟାମେରାମ୍ୟାନ ଭାବେ ୨୪ ତମ ରାଜ୍ୟ ଫିଲ୍ମ ପୁରସ୍କାର ପାଇଥିଲେ। କେବଳ ଓଡ଼ିଆ ନୁହେଁ, ହିନ୍ଦି ଫିଲ୍ମ ବେତାବ୍, ରାମ ଅବତାର, ୱଜୁଦ, ତେଜାବ, ଚାଲବାଜ, ଆଦି ଫିଲ୍ମରେ ସେ କାମ କରିଥିଲେ। ସେହିପରି ସେ ‘ନେସନାଲ ଜେଗ୍ରାଫିକ’ରେ ମଧ୍ୟ କାମ କରିଥିଲେ।
ଗତ ଅଗଷ୍ଟ ମାସରେ ଗାଗାରିନଙ୍କ ସାନଭାଇ ଜଣାଶୁଣା ଓଡ଼ିଆ ଫିଲ୍ମ ଏଡିଟର ଦେବେନ ମିଶ୍ରଙ୍କର ମଧ୍ୟ ହୃଦଘାତରେ ମୃତ୍ୟୁ ହୋଇଥିଲା।
