ନୂଆଦିଲ୍ଲୀ: ଆଫଗାନିସ୍ତାନ ଦଖଲ କରିବା ପରେ ଚୀନକୁ ନେଇ ତାଲିବାନ ଏକ ବଡ଼ ବୟାନ ଦେଇଛି। ତାଲିବାନ ପ୍ରବକ୍ତା ଜବୀହୁଲ୍ଲା ମୁଜାହିଦ କହିଛନ୍ତି ଯେ, ଚୀନ ଆମର ସବୁଠୁ ଗୁରୁତ୍ୱପୂର୍ଣ୍ଣ ସହଯୋଗୀ। ତାଙ୍କ ଦେଶ ଚୀନର ‘ୱାନ ବେଲ୍ଟ, ୱାନ ରୋଡ’ କାର୍ଯ୍ୟକ୍ରମକୁ ସମର୍ଥନ କରେ ଯାହାକି ବନ୍ଦରଗାର, ରେଲୱେ, ସଡ଼କ ଓ ଉଦ୍ୟୋଗିକ ପାର୍କକୁ ବିଶାଳ ନେଟୱର୍କ ଜରିଆରେ ଚୀନ, ଏସିଆ, ଆଫ୍ରିକା ଓ ୟୁରୋପକୁ ଯୋଡ଼ିବ। ଆମେ ଆଫଗାନିସ୍ତାନର ପୁନଃନିର୍ମାଣ ଲାଗି ପ୍ରସ୍ତୁତ ଅଛୁ। ଦେଶରେ ତମ୍ବାର ସମୃଦ୍ଧ ଖଣି ଅଛି ଯାହାକି ଚୀନର ସହଯୋଗରେ ପୁଣିଥରେ ସଞ୍ଚାଳିତ ହୋଇପାରିବ। ସମଗ୍ର ବିଶ୍ୱର ବଜାର ଲାଗି ଚୀନ ଆମ ପାଇଁ ରାସ୍ତା।
