ଭୁବନେଶ୍ୱର,ଏନ୍ଏନ୍ଏସ୍: ଭରତପୁର ଅଞ୍ଚଳରେ ଜଣେ ନାବାଳକକୁ ଆକ୍ରମଣ ପରେ ଗତକାଲି ବିଳମ୍ବିତ ରାତ୍ରିରେ ତାର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିବା ଜଣାପଡ଼ିଛି। ହତ୍ୟାକାଣ୍ଡର ପ୍ରକୃତ କାରଣ ଜଣାପଡ଼ିନାହିଁ। ପରିବାର ଲୋକେ ଖଣ୍ଡଗିରି ଥାନାରେ ଏତଲା ଦେଇଛନ୍ତି। ତେବେ ସେହି ଅଞ୍ଚଳର କିଛି ଦୁର୍ବୃତ୍ତ ହତ୍ୟା କରିଥିବା ନେଇ ପରିବାର ଲୋକେ ଥାନାରେ ଅଭିଯୋଗ କରିଛନ୍ତି। ପୁଲିସ ଘଟଣାର ଛାନଭିନ କରୁଛି।
ସୂଚନା ଅନୁସାରେ ଗତ ୨ ତାରିଖ ଦିନ ନାବାଳକ ଜଣଙ୍କ ନିକଟସ୍ଥ ଦୋକାନକୁ ସଉଦା ଆଣିବାକୁ ଯାଇଥିବାବେଳେ କିଛି ଦୁର୍ବୃତ୍ତ ନାବାଳକକୁ ଆକ୍ରମଣ କରିଥିଲେ। ପରେ ଗୁରୁତର ଅବସ୍ଥାରେ ନାବାଳକକୁ ମେଡ଼ିକାଲରେ ଭର୍ତ୍ତି କରାଯାଇଥିଲା।
