କୁକୁଡ଼ା ବୋଝେଇ ପିକଅପ୍ ଭ୍ୟାନକୁ ଧକ୍କା ଦେଲା ଟ୍ରକ୍, କୁକୁଡ଼ା ବୋହିନେଲେ ଲୋକେ

ପାଟଣା,ଏନ୍ଏନ୍ଏସ୍: ରାସ୍ତାକଡ଼ରେ ଛିଡ଼ା ହୋଇଥିବା ବ୍ରଏଲର କୁକୁଡ଼ା ବୋଝେଇ ପିକଅପ୍ ଭ୍ୟାନକୁ ପଛରୁ ଏକ ଟ୍ରକ ପଛପଟୁ ଧକ୍କା ଦେଇଥିବା ଜଣାପଡ଼ିଛି। ଘନ କୁହୁଡି ଯୋଗୁଁ କେନ୍ଦୁଝର ଜିଲ୍ଲା ତୁରୁମୁଙ୍ଗା ଥାନା ୪୯ ନମ୍ବର ରାଜପଥ ରେଙ୍ଗାଳବେଡ଼ା ନିକଟରେ ରାସ୍ତା କଡରେ ଏକ ପିକଅପ୍ ଭ୍ୟାନ କୁକୁଡା ବୋଝେଇ କରି ଛିଡ଼ା ହୋଇଥିଲା। ଏହି ସମୟରେ ପଛପଟୁ ଏକ ଟ୍ରକ୍ ଉକ୍ତ ଗାଡ଼ିକୁ ଧକ୍କା ଦେଇଥିଲା। ଫଳରେ କୁକୁଡ଼ା ବୋଝେଇ ପିକଅପ୍ ଭ୍ୟାନଟି ରାସ୍ତା କଡ଼କୁ ଓଲଟିପିଡ଼ିଥିଲା।

ଏହି ଦୁର୍ଘଟଣାରେ କୌଣସି ଜୀବନ ହାନୀ ହୋଇନଥିବା ବେଳେ ଦୁର୍ଘଟଣା ପରେ ଲୋକମାନେ କୁକୁଡ଼ା ବୋଝେଇ ଭ୍ୟାନରୁ କୁକୁଡ଼ାଗୁଡିକୁ ବୋହି ନେଇଯାଇଛନ୍ତି । ଘଟଣାସ୍ଥଳରେ ତୁରୁମୁଙ୍ଗା ପୁଲିସ ପହଞ୍ଚି ଦୁର୍ଘଟଣା ଗ୍ରସ୍ତ ଗାଡ଼ିକୁ ଜବତ କରିଛି।