ଭୁବନେଶ୍ଵର,ଏନ୍ଏନ୍ଏସ୍: ଆଜିଠୁ ଆରମ୍ଭ ହେବ କାର୍ଗୋ ବିମାନ ସେବା। ଏନେଇ ଏୟାର ଇଣ୍ଡିଆ ପକ୍ଷରୁ ନିଷ୍ପତ୍ତି ନିଆଯାଇଛି। ତେବେ ଦେଶରେ ଲକଡାଉନ ପାଇଁ ଗତ ୨୨ରୁ ଅନ୍ୟ ବିମାନ ସେବା ସବୁ ବନ୍ଦ ରହିଛି। ରାୟପୁରରୁ ଅତ୍ୟାବଶ୍ୟକ ଔଷଧ ଆଣି ଭୁବନେଶ୍ଵର ଆସିବ ଏହି ବିମାନ।
ସୂଚନାନୁଯାୟୀ, କାର୍ଗୋ ବୋମାନ ରାୟପୁରରୁ ଅପରାହ୍ଣ ୩ଟା ୩୦ରେ ଛାଡ଼ି ୪ଟା ୫୦ରେ ଭୁବନେଶ୍ଵରରେ ପହଁଚିବ। ସେହିପରି ଭୁବନେଶ୍ଵରରୁ ଅପରାହ୍ଣ ୫ଟା ୨୦ରେ ଛାଡ଼ି ରାତି ୮ଟା ୨୦ରେ ଦିଲ୍ଲୀ ପହଁଚିବ। ରାୟପୁରରୁ ଅତ୍ୟାବଶ୍ୟକ ଔଷଧ ଆଣି ଏହି ବିମାନ ଭୁବନେଶ୍ଵର ଆସିବ ବୋଲି ସୂଚନା ମିଳିଛି। ତେବେ ପରବର୍ତ୍ତୀ ସମୟରେ ଅନ୍ୟ ଅତ୍ୟାବଶ୍ୟକ ସାମଗ୍ରୀ ଆଣିବ କାର୍ଗୋ ବିମାନ।
