ବାଲିଅନ୍ତା,ଏନ୍ଏନ୍ଏସ୍: ବାଲିଅନ୍ତା ଥାନା ଅନ୍ତର୍ଗତ ମହାତ୍ମା ସେତୁ ନିକଟରୁ ବାଲିଅନ୍ତା ଥାନା ପୁଲିସ ପାଟ୍ରୋଲିଂ ସମୟରେ ଏକ ଇଣ୍ଡିଗୋ କାରରୁ ବିପୁଳ ପରିମାଣର ବିଦେଶୀ ମଦ ଜବତ କରିବା ସହ ୨ ଜଣଙ୍କୁ ଗିରଫ କରିଥିବା ଜଣାପଡ଼ିଛି। ସୂଚନାଯୋଗ୍ୟ ଯେ ବାଲିଅନ୍ତା ଥାନା ଅଧିକାରୀ ପ୍ରଦୀପ କୁମାର ରାଉତଙ୍କ ନିର୍ଦ୍ଦେଶକ୍ରମେ ଏସଆଇ ପ୍ରଫୁଲ୍ଲ କୁମାର ସାହୁ ଏବଂ ଏଏସଆଇ ଅରୁଣ କୁମାର ମଲ୍ଲିକ ମହାତ୍ମା ସେତୁ ନିକଟରେ ଆଜି ସକାଳ ସମସ୍ତ ଗାଡି ଯାଞ୍ଚ କରୁଥିଲେ।
ଏହି ସମୟରେ ଭୁବନେଶ୍ୱର ପଟୁ ଏକ ଇଣ୍ଡିଗୋ କାର (ଓଆର୍-୦୫ଏକ୍ସ୍-୦୯୨୭)ରେ ମଦ ଯାଉଥିବା ଜାଣିବାକୁ ପାଇଥିଲେ। ଏହି ପରିପ୍ରେକ୍ଷୀରେ ୧୯୨ ବୋତଲ ନଂ-୧ , ୭୨ ବୋତଲ ବିୟର, ୯୬ ବୋତଲ ସମେତ ଦୁଇଟି ମୋବାଇଲ ଫୋନ ଓ କାର ଜବତ କରାଯାଇଛି। ସେହିପରି କାରରେ ଥିବା ବାଲିଅନ୍ତା ଥାନା ଅନ୍ତର୍ଗତ ଜୟରଶାସନ ଗ୍ରାମର ଅଶୋକ କୁମାର ଦାସ ଏବଂ କଟକ ସଦର ଥାନା ଅନ୍ତର୍ଗତ ଈଶ୍ବରପୁର ଗ୍ରାମର ସୋମରେନ୍ଦ୍ର ସାହୁଙ୍କୁ ପୁଲିସ ଗିରଫ କରି ୧୬୬/୨୦ରେ ଏକ ମାମଲା ରୁଜୁ କରି କୋର୍ଟ ଚାଲାଣ କରିଥିବା ଜଣାପଡ଼ିଛି।
