ରିଆମାଳ,ଏନ୍ଏନ୍ଏସ୍: ରିଆମାଳ ଥାନା ସିମଲଇ ଓ ହିଲାଙ୍ଗ ରାସ୍ତାରେ ଆଜି ଏକ ବାଇକ ଓ କାର ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ଜଣେ ଗୁରୁତର ହୋଇଛନ୍ତି । ଗୁରୁତର ଜଣକ ହେଲେ ରେଙ୍ଗାଳବାହାଳ ଗ୍ରାମର ଶିକ୍ଷକ ଉଚ୍ଛବ ଚରଣ ପ୍ରଧାନ । ମିଳିଥିବା ରିପୋର୍ଟ ମୁତାବକ, ସକାଳ ୧୦ଟାରେ ଶ୍ରୀ ପ୍ରଧାନ ବାଇକ ଯୋଗେ ବିଦ୍ୟାଳୟକୁ ଯାଉଥିବାବେଳେ ସିମଲଇ ଓ ହିଲାଙ୍ଗ ରାସ୍ତା ମଧ୍ୟରେ ଏକ କାର ସହ ମୁହାଁମୁହିଁ ଧକ୍କା ହୋଇଥିଲା । କାରଟି ଦେବଗଡ଼ର ହୋଇଥିବାବେଳେ ମାଲିକ ନିଜେ ଚଲାଉଥିଲେ । ଦୁର୍ଘଟଣା ପରେ ସେ ଗୁରୁତର ଶିକ୍ଷକଙ୍କୁ ନିଜ କାରରେ ବସାଇ ରିଆମାଳ ଆଣି ପରିବାରକୁ ଖବର ଦେଇଥିଲେ । ପରିବାର ସହ ଗୁରୁତର ଶିକ୍ଷକଙ୍କୁ ଛତାବର ନେଇଥିବାବେଳେ ଚିକିତ୍ସା ଜାରି ରହିଛି । ଖବର ପାଇ ରିଆମାଳ ପୁଲିସ ପହଞ୍ଚି ଉଭୟ ଗାଡ଼ିକୁ ଜବତ କରି ତଦନ୍ତ ଚଲାଇଛି ।
