ସଇଁନ୍ତଲା,ଏନ୍ଏନ୍ଏସ୍: ବଲାଙ୍ଗିର ଜିଲ୍ଲା ସଇଁନ୍ତଲା ବ୍ଳକ ବଡ଼ମାଲ ଫାଣ୍ଡି ଅଧିନସ୍ଥ କୁଇକେଡା ପ୍ଲାବେର୍ଡ ନିକଟସ୍ଥ ଜଙ୍ଗଲରୁ ଏକ ଗଛରେ ଯୁବକଙ୍କ ଝୁଲନ୍ତା ମୃତ୍ୟୁ ଦେହ ଉଦ୍ଧାର କରିଛି ପୁଲିସ। ରିପୋର୍ଟ ମୁତାବକ, ରେଙ୍ଗାଲୀ ଗ୍ରାମର କ୍ଷୀରସିନ୍ଧୁ ନାଗ(୪୫) ସ୍ଥାନୀୟ ଜଙ୍ଗଲରେ ତାଙ୍କର ମୃତ୍ୟୁ ଦେହ ଝୁଲନ୍ତା ଅବସ୍ଥାରେ ରହିଥିବା ବେଳେ ସ୍ଥାନୀୟ ଲୋକେ ଦେଖିବା ପରେ ପୁଲିସକୁ ଖବର ଦେଇଥିଲେ।
ପରେ ଘଟଣାସ୍ଥଳରେ ବଡ଼ମାଲ ଫାଣ୍ଡି ଅଧିକାରୀ ସର୍ବେଶ୍ୱର ସାହୁ ପହଞ୍ଚି ଘଟଣା ସମ୍ପର୍କରେ ତଦନ୍ତ କରି କେସ ନମ୍ୱର ୦୪/୨୨ରେ ଏକ ଅପମୃତ୍ୟୁ ମାମଲା ରୁଜୁ କରି ଘଟଣା ସମ୍ପର୍କରେ ତଦନ୍ତ ଆରମ୍ଭ କରିଛନ୍ତି। ତେବେ ଆତ୍ମହତ୍ୟା ନାଁ ହତ୍ୟା, କାରଣ ଅସ୍ପଷ୍ଟ ରହିଥିବା ବେଳେ ପରିବାର ପକ୍ଷରୁ ଘଟଣା ସମ୍ପର୍କରେ କୌଣସି ପ୍ରକାରର ସୂଚନା ମିଳିପାରି ନାହିଁ।
