ଭୁବନେଶ୍ବର,ଏନ୍ଏନ୍ଏସ୍: କରେନା ସଂକ୍ରମଣକୁ ଏଡ଼ାଇବା ପାଇଁ ଭୁବନେଶ୍ୱର ମହାନଗର ନିଗମ (ବିଏମ୍ସି) ନିଜ ଅଞ୍ଚଳରେ ଥିବା ସମସ୍ତ ସରକାରୀ ଓ ଘରୋଇ ବ୍ୟାଙ୍କରୁ ଭିଡକୁ ଏଡାଇବା ପାଇଁ ବିଏମ୍ସି କମିଶନର ପ୍ରେମଚନ୍ଦ୍ର ଚୌଧାରୀ ନିର୍ଦ୍ଦେଶନାମା ଜାରି କରିଛନ୍ତି।
ବ୍ୟାଙ୍କରେ ଗହଳି କମାଇବା, ପ୍ରବେଶ ଦ୍ୱାରକୁ ନିୟମିତ ବିଶୋଧନ ସହ ହ୍ୟାଣ୍ଡ ଓ୍ବାସ୍ ବ୍ୟବସ୍ଥା ସହ ଗ୍ରାହକ ଓ ବ୍ୟାଙ୍କ କର୍ମକର୍ତ୍ତା ହାତ ଧୋଇ ଭିତରକୁ ଯିବା ପାଇଁ ସେ ପରାମର୍ଶ ଦେଇଛନ୍ତି। ହାତଧୁଆ ସ୍ଥାନରେ ସଚେତନତା ପୋଷ୍ଟର କିମ୍ବା ହୋର୍ଡିଂ ଲଗାଇବା ସହ ବ୍ୟାଙ୍କ ମଧ୍ୟରେ ସର୍ବନିମ୍ନ ଦୂରତା ବଜାୟ ରଖିବା, ନିୟମିତ ପୋଛା ଲଗାଇବା, ଏଟିଏମ୍ଗୁଡ଼ିକୁ ବିଶୋଧନ କରିବା ଓ ଏଟିଏମ୍ ଗୃହ ଚଟାଣକୁ ସଫା ରଖିବା ପାଇଁ ନିର୍ଦ୍ଦେଶନାମାରେ ଉଲ୍ଲେଖ କରାଯାଇଛି। ଅନ୍ୟପକ୍ଷରେ ଜ୍ୱର, ଥଣ୍ଡା, କାଶରେ ପୀଡିତ କର୍ମଚାରୀଙ୍କୁ ଘରେ ରହିବାକୁ ବ୍ୟାଙ୍କ କର୍ତ୍ତୃପକ୍ଷ ଅନୁମତି ଦେବାକୁ କମିଶନର ପରାମର୍ଶ ଦେଇଛନ୍ତି।
