ସେନାଧ୍ୟକ୍ଷ ଜେନେରାଲ ରାୱତଙ୍କ ବିବାଦୀୟ ବୟାନ: ହିଂସାକାଣ୍ଡ ପାଇଁ ମତାଇବା ନେତାପଣିଆ ନୁହେଁ
ନୂଆଦିଲ୍ଲୀ,ଏଜେନ୍ସି: ଭାରତୀୟ ସେନା ମୁଖ୍ୟ ଜେନେରାଲ ବିପିନ ରାୱତ ଆସନ୍ତା ୩୧ରେ ଅବସର ନେବାକୁ ଯାଉଛନ୍ତି। ଏହି ପରିପ୍ରେକ୍ଷୀରେ ଦେଶରେ ନାଗରିକତା ସଂଶୋଧନ ଆଇନ୍ (ସିଏଏ)କୁ ବିରୋଧ କରି ଚାଲିଥିବା ହିଂସାତ୍ମକ ଆନ୍ଦୋଳନକୁ ସେ ନାପସନ୍ଦ କରି କହିଛନ୍ତି, ଲୋକଙ୍କୁ ଭୁଲ ବାଟରେ ପରିଚାଳିତ କରିବା ଏବଂ ହିଂସାତ୍ମକ ମାର୍ଗ ଦେଖାଇବା ନେତୃତ୍ୱର ପ୍ରକୃତ ଗୁଣ ନୁହେଁ। ନୂଆଦିଲ୍ଲୀରେ ଏକ କାର୍ଯ୍ୟକ୍ରମରେ ଯୋଗଦେବା ଅବସରରେ ଜେନେରାଲ ରାୱତଙ୍କ ଏଭଳି ‘ରାଜନୈତିକ’ ବୟାନ ବିଭିନ୍ନ ମହଲରେ ବିବାଦ ସୃଷ୍ଟି କରିଛି।
#WATCH Army Chief Gen Bipin Rawat: Leaders are not those who lead ppl in inappropriate direction. As we are witnessing in large number of universities&colleges,students the way they are leading masses&crowds to carry out arson&violence in cities & towns. This is not leadership. pic.twitter.com/iIM6fwntSC
— ANI (@ANI) December 26, 2019
ଚଳିତ ମାସ ପ୍ରାରମ୍ଭରେ ସିଏଏ ସଂସଦରେ ପାସ୍ ହେବାପରେ ଏହାକୁ ବିରୋଧ କରି ଦେଶର ବିଭିନ୍ନ ସ୍ଥାନରେ ହିଂସାତ୍ମକ ବିରୋଧ ପ୍ରଦର୍ଶନ ଜାରି ରହିଛି। ଉତ୍ତରପ୍ରଦେଶ ଓ କର୍ଣ୍ଣାଟକରେ ସିଏଏ ବିରୋଧୀ ଆନ୍ଦୋଳନକାରୀଙ୍କ ହିଂସାକାଣ୍ଡ ଯୋଗୁଁ ବହୁ ଲୋକ ମୃତାହତ ହୋଇଛନ୍ତି।
ଜେନେରାଲ ରାୱତ କହିଛନ୍ତି, ତାଙ୍କୁ ହିଁ କେବଳ ନେତା କୁହାଯିବ ଯାହାଙ୍କୁ ସମସ୍ତେ ଅନୁସରଣ କରନ୍ତି। କିନ୍ତୁ ସିଏଏ କ୍ଷେତ୍ରରେ ଏହାର ବିପରୀତ ପରିଲକ୍ଷିତ ହେଉଛି। ବିଶ୍ୱବିଦ୍ୟାଳୟ ଓ ମହାବିଦ୍ୟାଳୟଗୁଡ଼ିକର ବହୁସଂଖ୍ୟକ ଛାତ୍ରଛାତ୍ରୀଙ୍କୁ କିଛି ନେତା ଯେଭଳି ହିଂସାତ୍ମକ ମାର୍ଗରେ ପରିଚାଳିତ କରୁଛନ୍ତି ତାହା ନେତୃତ୍ୱକୁ ଶୋଭା ପାଉନାହିଁ।