ରିଆମାଳ,ଏନ୍ଏନ୍ଏସ୍: ଦେବଗଡ଼-ଅନୁଗୁଳ ଜାତୀୟ ରାଜପଥ ରିଆମାଳ ଶ୍ମଶାନ ଘାଟ ନିକଟରେ ଆଜି ଦିନ ୧୧ଟାରେ ଏକ ବାଇକ୍ ଭାରସାମ୍ୟ ହରାଇ ଜଣେ ମହିଳାଙ୍କୁ ପିଟିବା ଫଳରେ ୨ଜଣ ଆହତ ହୋଇଛନ୍ତି । ଆହତଦ୍ୱୟ ହେଲେ ରିଆମାଳ ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ର ଚିଣ୍ଟୁ ବେହେରା ଓ ତେଲିମୁଣ୍ଡା ଗ୍ରାମର ହୃଷିକେଶ ବାଦୀଙ୍କ ସ୍ତ୍ରୀ ଜୟନ୍ତୀ ବାଣୀ(୪୬) ।
ମିଳିଥିବା ରିପୋର୍ଟ ମୁତାବକ, ଚିଣ୍ଟୁ ବେହେରା ଏକ ବାଇକ୍ ଯୋଗେ ବିଦ୍ୟାଳୟକୁ ଯାଉଥିବାବେଳେ ଶ୍ମଶାନ ଘାଟ ନିକଟରେ ଭାରସାମ୍ୟ ହରାଇ ବାଣୀଙ୍କୁ ପିଟିଥିଲା । ଫଳରେ ଛିଟିକି ପଡ଼ି ଉଭୟ ଆହତ ହୋଇଥିଲେ । ସ୍ଥାନୀୟ ବାସିନ୍ଦା ଘଟଣାସ୍ଥଳରେ ପହଞ୍ଚି ଉଭୟଙ୍କୁ ଛତାବର ମେଡିକାଲକୁ ନେଇଥିବା ଜଣାପଡ଼ିଛି ।
