ମାଲକାନଗିରି,ଏନ୍ଏନ୍ଏସ୍: ମାଲକାନଗିରି ଜିଲ୍ଲାର ଏମଭି-୭୯ ଥାନା ଅନ୍ତର୍ଗତ ଏମ.ଭି-୭୬ ଗ୍ରାମ ଛକଠାରେ ଏକ ମିନିଟ୍ରକ ଓ ମୋଟର ସାଇକେଲ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଫଳରେ ଘଟଣାସ୍ଥଳରେ ଜଣେ ବାଇକ ଆରୋହୀଙ୍କ ମୃତ୍ୟୁ ଘଟିଛି। ମୃତକ ଜଣଙ୍କ ଏମ.ପି.ଭି-୮୩ ଗ୍ରାମର ପରିତୋଷ ମଣ୍ଡଳ ବୋଲି ଜଣାପଡ଼ିଛି। ମୋଟରସାଇକଲଟି କାଲିମେଳାରୁ ଏମ.ପି.ଭି-୮୩ ଆଡକୁ ଯାଉଥିବାବେଳେ ଟ୍ରକଟି କାଲିମେଳା ଆଡ଼କୁ ଆସୁଥିଲା। ଫଳରେ ଉଭୟ ଟ୍ରକ ଓ ବାଇକ୍ ମୁହାଁମୁହିଁ ଧକ୍କା ହୋଇଥିଲା।
ଏଥିରେ ବାଇକ ଆରୋହୀଙ୍କ ମୃତ୍ୟୁ ହୋଇଥିବା ବେଳେ ବାଇକରେ ବସିଥିବା ଅନ୍ୟ ୨ ଜଣ ଗୁରୁତ୍ୱର ଆହତ ହୋଇଛନ୍ତି। ଆହତ ଦ୍ୱୟଙ୍କୁ କାଲିମେଳା ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି। ଏମ.ଭି-୭୯ ଥାନା ପୁଲିସ ମିନିଟ୍ରକକୁ ଜବତ କରିଥିବାବେଳେ ଡ୍ରାଇଭର ଫେରାର ଅଛି। ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।
