ଜୟପୁର,ଏନ୍ଏନ୍ଏସ୍: କୋରାପୁଟ ଜିଲ୍ଲା ବୈପାରିଗୁଡ଼ା ଥାନା ଅଧୀନ ରାମଗିରି ପୁଲିସ୍ ଜଣେ ଚୋରା ଗଞ୍ଜେଇ ଚାଲାଣକାରୀଙ୍କୁ ଗିରଫ କରିବା ସହ ଏକ ବାଇକ ଜବତ କରିଛି। ଗିରଫ ଯୁବକ ଜଣକ ଅଟଳଗୁଡ଼ାର ଗୁପ୍ତ ଦାର୍ଲି ବୋଲି ଜଣାପଡ଼ିଛି । ଅଭିଯୁକ୍ତଙ୍କଠାରୁ ୨୦ କିଲୋ ୫୦୦ ଗ୍ରାମ ଗଞ୍ଜେଇ ଜବତ ହୋଇଥିବା ଡିଏସପି ଅଂଶୁମାନ୍ ଦ୍ୱିବେଦୀ ସୂଚନା ଦେଇଛନ୍ତି।
ମିଳିଥିବା ରିପୋର୍ଟ ମୁତାବକ, ଓଆର୍-୧୦ଇ ୮୪୭୨ ନମ୍ବର ଥିବା ଏକ ବାଇକରେ ଗୁପ୍ତ ଜବତ ଗଞ୍ଜେଇ ନେଇ ଚିପାକୁରରୁ କୋଟପାଡ଼ ଯାଉଥିଲା। ଶିବ-ସୁନୀଲ୍ ଛକରେ ରାମଗିରି ପୁଲିସ୍ ବାଇକ ଅଟକାଇ ଯାଞ୍ଚ କରିବାବେଳେ ଏକ ଜରି ଅଖାରୁ ଗଞ୍ଜେଇ ମିଳିଥିଲା। ପରେ ପୁଲିସ ଅଭିଯୁକ୍ତକୁ ଗିରଫ କରି କୋର୍ଟ ଚାଲାଣ କରିଥିବା ଜଣାପଡ଼ିଛି।
