ପାଟଣା,ଏନ୍ଏନ୍ଏସ୍ : କେନ୍ଦୁଝର ଦେଇ ଯାଇଥିବା ୪୯ ନମ୍ବର ଜାତୀୟ ରାଜପଥର ତୁରୁମୁଙ୍ଗା କଲେଜ ଛକ ନିକଟରେ ସୋମବାର ଅପରାହ୍ନରେ ମର୍ମନ୍ତୁଦ ସଡ଼କ ଦୁର୍ଘଟଣାରେ ବାଇକ ଆରୋହି ଗୁରୁତର ହୋଇଛନ୍ତି । ୪୯ ନମ୍ବର ଜାତୀୟ ରାଜପଥ ସମ୍ପ୍ରସାରଣ ଚାଲିଥିବା କାର୍ଯ୍ୟରେ ମଣ୍ଟେକାର୍ଲ କମ୍ପାନୀର ହାଇୱା ଗାଡିଟି କେନ୍ଦୁଝର ପଟୁ ତୁରୁମୁଙ୍ଗା ଆଡ଼କୁ ଆସୁଥିବା ସମୟରେ ତୁରୁମୁଙ୍ଗା ପଟୁ କେନ୍ଦୁଝର ଆଡ଼କୁ ଯାଇଥିବା ଏକ ବାଇକ କୁ ମୁହାଁମୁହିଁ ବାଇକ ଆରୋହିଙ୍କୁ ଧକା ଦେବା ଫଳରେ ବାଇକ ଆରୋହି ଗୁରୁତର ହୋଇ ପଡ଼ିଥିଲେ ସ୍ଥାନୀୟ ଲୋକେ ତାଙ୍କୁ ଉଧାର କରି ୧୦୮ ସାହାଯ୍ୟରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରିଛନ୍ତି । ଗୁରୁତର ବାଇକ ଆରୋହିଙ୍କ ପରିଚୟ ମିଳି ପାରି ନଥିବା ବେଳେ ଘଟଣା ସ୍ଥଳରେ ପୋଲିସ ପହଞ୍ଚି ଦୁର୍ଘଟଣା ଗ୍ରସ୍ତ ଦୁଇଟି ଗାଡି କୁ ଜବତ କରିଛି ।
