ଥୁଆମୂଳ ରାମପୁର,ଏନ୍ଏନ୍ଏସ୍: କଳାହାଣ୍ଡି ଜିଲ୍ଲା ଥୁଆମୂଳ ରାମପୁର-ଭବାନୀପାଟଣା ପାଲଜୋର୍ ନିକଟ ମୁଖ୍ୟ ରାସ୍ତାରେ ଭାରସାମ୍ୟ ହରାଇ ଏକ ବାଇକ୍ ଦୁର୍ଘଟଣାଗ୍ରସ୍ତ ହୋଇଛି । ଫଳରେ ୨ ସଢ଼ୁ ଭାଇଙ୍କ ମୃତ୍ୟୁ ହୋଇଛି । ମୃତକ ଦ୍ୱୟ ହେଲେ ଗାପାଳପୁର ଗ୍ରାମପଞ୍ଚାୟତ ନିକଟସ୍ଥ ପାଡ଼େଲଗୁଡ଼ା ଗ୍ରାମର ସୁଭାଷ ମାଝୀ ଓ ଅଡ୍ରି ଗ୍ରାମପଞ୍ଚାୟତ ଅଧିନରେ ଥିବା ପେଙ୍ଗଢୁସୀ ଗ୍ରାମର କୃଷ୍ଣଚନ୍ଦ୍ର ମାଝୀ ।
ମିଳିଥିବା ରିପୋର୍ଟ ମୁତାବକ, ସୁଭାଷ ମାଝୀ ଓ କୃଷ୍ଣଚନ୍ଦ୍ର ମାଝୀ ବେନ୍ଦାଝୋଲା ଗ୍ରାମରୁ ଏକ ବାଇକ ଯୋଗେ ଗୋଦ୍ରାମସ୍କା ଗ୍ରାମକୁ ଯାଉଥିବା ସମୟରେ ପାଲଜୋର ଗ୍ରାମ ଛକର ମୁଖ୍ୟ ରାସ୍ତାଠାରେ ଭାରସାମ୍ୟ ହରାଇ ରାସ୍ତା ତଳକୁ ଛିଟିକି ପଡ଼ିଥିଲେ । ଫଳରେ ଘଟଣାସ୍ଥଳରେ କୃଷ୍ଣଚନ୍ଦ୍ରଙ୍କ ମୃତ୍ୟୁ ହୋଇଥିବାବେଳେ ସୁଭାଷଙ୍କୁ ଥୁଆମୂଳ ରାମପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା । ହେଲେ ଚିକିତ୍ସାଧୀନ ଅବସ୍ଥାରେ ସୁଭାଷଙ୍କର ମୃତ୍ୟୁ ହୋଇଥିବା ଜଣାପଡ଼ିଛି । ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରି ଏନେଇ ଏକ ଅପମୃତ୍ୟୁ ମାମଲା ରୁଜୁ କରି ପୁଲିସ ତଦନ୍ତ ଚଳାଇଛି ।
