କୋଲକାତା,ଏଜେନ୍ସି: ବେଙ୍ଗଲ ରେଡ଼ିଓ କ୍ଲବ୍ ସହାୟତାରେ ୩୦ବର୍ଷ ହେଲା ନିଖୋଜ ଥିବା ମା’କୁ ନିଜ ଗହଣରେ ପାଇପାରିଛନ୍ତି ପୁଅମାନେ। ବିହାରର ବରୌନୀ ଷ୍ଟେସନରୁ ଆଜକୁ ୩୦ବର୍ଷ ତଳେ ନିଖୋଜ ହୋଇଥିବା ରୁକ୍ମିଣୀ ଦେବୀଙ୍କୁ ପଶ୍ଚିମବଙ୍ଗ ଚବିଶପ୍ରଗଣା ଜିଲ୍ଲା ସାଗରଦୀପ ଅଞ୍ଚଳରୁ ଠାବ କରାଯାଇଛି। ବିହାର ସାରଣ ଜିଲ୍ଲାର ରୁକ୍ମିଣୀ ଦେବୀ ୩୦ବର୍ଷ ତଳେ କୋଲକାତାରେ କାମ କରୁଥିବା ସ୍ୱାମୀଙ୍କୁ ଭେଟିବାକୁ ନିଜ ପିଲାଙ୍କ ସହ ବାହାରିଥିଲେ। ତେବେ ମାନସିକ ରୋଗରେ ପୀଡ଼ିତ ଥିବା ରୁକ୍ମିଣୀ ନିଜ ପିଲାଙ୍କୁ ଷ୍ଟେସନରେ ଛାଡି ହଜିଯାଇଥିଲେ। ସେତେବେଳେ ପିଲାମାନଙ୍କୁ ନିଜ ଗ୍ରାମର କିଛି ଲୋକଙ୍କ ସହାୟତାରେ ଉଦ୍ଧାର କରାଯାଇଥିଲା। ତେବେ ୋଜି ୩୦ବର୍ଷ ପରେ ବେଙ୍ଗଲ ରେଡ଼ିଓ କ୍ଲବ୍ ସହାୟତାରେ ତିନି ପୁଅ ନିଜ ମା’ଙ୍କୁ ଫେରି ପାଇ ଖୁସି ବ୍ୟକ୍ତ କରିବା ସହ ରେଡ଼ିଓ କ୍ଲବ୍କୁ ଧନ୍ୟବାଦ ଜ୍ଞାପନ କରିଛନ୍ତି।
