ପାଟଣା,ଏନ୍ଏନ୍ଏସ୍: କେନ୍ଦୁଝର ଜିଲ୍ଲା ପାଟଣା ଥାନା କୁଆପଶି ଗାଁ ନିକଟ ହାଡ଼ଖାଇ ନାଳରୁ ଜଣେ ମହିଳାଙ୍କ କଟାମୁଣ୍ଡ ଉଦ୍ଧାର କରାଯାଇଛି। ମହିଳା ଜଣକ ହେଲେ ଜଗନ୍ନାଥପୁର ଗ୍ରାମର କେଶରୀ ମହାନ୍ତ(୫୦)।
ମିଳିଥିବା ରିପୋର୍ଟ ମୁତାବକ, ସଦର ବ୍ଲକ କାଠବାରୀ ପଞ୍ଚାୟତ ଜଗନ୍ନାଥପୁର ବୁଢ଼ାବଣରେ ଗତକାଲି ଅପରାହ୍ନରେ ଏକ ଜଘନ୍ୟ ହତ୍ୟାକାଣ୍ଡ ଘଟିଥିଲା। ଦ୍ବାରିକାପଶି ସାପ୍ତାହିକ ହାଟକୁ ଲଙ୍କା ବିକ୍ରି କରିବା ପାଇଁ କେଶରୀ ଆସୁଥିବାବେଳେ ରାସ୍ତାକଡ଼ ବୁଦା ମୂଳରେ ବସିଥିବା ଜଣେ ଦୁର୍ବୃତ୍ତ ବୁଦାରୁ ବାହାରି କେଶରୀଙ୍କ ମୁଣ୍ଡକୁ ଟାଙ୍ଗିଆରେ ହାଣି ଶରୀରରୁ ଅଲଗା କରିବା ପରେ ମୁଣ୍ଡକୁ ଧରି କୁଆଡ଼େ ଫେରାର ହୋଇଯାଇଥିଲା । ଆଉ ଆଜି ତାଙ୍କ କଟାମୁଣ୍ଡ ପାଟଣା ଥାନା କୁଆପଶି ଗାଁ ନିକଟ ହାଡ଼ଖାଇ ନାଳରୁ ମିଳିଛି ।
