ଦେବଗଡ,ଏନ୍ଏନ୍ଏସ୍ : ଦେବଗଡ ଥାନା ଅନ୍ତର୍ଗତ ମିରଗିଡିଆ ସାହିର ଜଣେ ବ୍ୟକ୍ତିଙ୍କ ମହୁମାଛି ଆକ୍ରମଣରେ ମୃତ୍ୟୁ ଘଟିଥିବା ଜଣା ପଡିଛି। ମିଳିଥିବା ସୂଚନା ଅନୁଯାୟୀ, ମିରଗିଡିଆ ସାହିର ଅର୍ଜ୍ଜୁନ ମୁଣ୍ଡା (୫୫) ଗତକାଲି ପୂର୍ବାହ୍ନରେ ନିଜର କେତେକ ସାଥୀଙ୍କ ସହ ନିକଟସ୍ଥ ଜଙ୍ଗଲକୁ ଭୋଜି କରିବା ପାଇଁ ଯାଇଥିଲେ । ତେବେ ଭୋଜି ଭାତ ସମୟରେ ଜଙ୍ଗଲରେ ଥିବା ମହୁମାଛି ଆକ୍ରମଣ କରିବାରୁ ଅର୍ଜ୍ଜୁନ ଗୁରୁତର ହୋଇପଡିଥିଲେ । ବହୁ କଷ୍ଟରେ ସନ୍ଧ୍ୟା ସମୟରେ ନିଜ ଘରକୁ ଫେରି ତାଙ୍କୁ ମହୁମାଛି ଆକ୍ରମଣ କରିଥିବା ଜଣାଇବା ସହ ସେ ଘରେ ଶୋଇପଡିଥିଲେ । ତେବେ ଆଜି ସକାଳ ପର୍ଯ୍ୟନ୍ତ ଅର୍ଜ୍ଜୁନ ନିଦରୁ ନ ଉଠିବାରୁ ପରିବାର ଲୋକେ ତାଙ୍କୁ ଦେବଗଡ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସା ନିମନ୍ତେ ଆଣିଥିଲେ । ମାତ୍ର ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଡାକ୍ତରଖାନା ପକ୍ଷରୁ ସୂଚନା ପାଇ ଦେବଗଡ ଥାନା ପୁଲିସ ଏକ ଅପମୃତ୍ୟୁ ମାମଲା ଋୁଜ୍ଜୁ କରି ଘଟଣାର ତଦନ୍ତ ଆରମ୍ଭ କରିବା ସହ ମୃତଦେହ ଜବତ କରି ବ୍ୟବେଚ୍ଛେଦ ପାଇଁ ପଠାଇଥିବା ଜଣା ପଡିଛି ।
