ନବରଙ୍ଗପୁର,ଏନ୍ଏନ୍ଏସ୍: କାବୁ ହେଲା ଭାଲୁ। ନବରଙ୍ଗପୁର ଜିଲ୍ଲା ଦହଣ ଓ ଅଣ୍ଟାସରା ଗାଁରେ ଆତଙ୍କ ଖେଳାଇଥିବା ଭାଲୁକୁ କାବୁ କରିବାରେ ସଫଳ ହୋଇଛି ବନ ବିଭାଗ। ଭାଲୁଟି ଦୁଇଟି ଗାଁରେ କିଛି ଦିନ ହେବ ଆତଙ୍କ ଖେଳାଇଥିଲା। ଏନେଇ ଗ୍ରାମବାସୀ ବନ ବିଭାଗକୁ ଖବର ଦେଇଥିଲେ। ଡିଏଫ୍ଓଙ୍କ ନିର୍ଦ୍ଦେଷର ଏକ ୫ ଜଣିଆ ଟିମ୍ ୫ ଦିନ ହେବ ଭାଲୁକୁ କାବୁ କରିବାକୁ ଉଦ୍ୟମ କରିଥିଲେ । ଶେଷରେ ବନ ବିଭାଗ ପକ୍ଷରୁ ବିଛାଯାଇଥିବା ଯନ୍ତାରେ ପଡିଥିଲା ଭାଲୁ। ଭାଲୁର ସ୍ୱାସ୍ଥ୍ୟ ପରୀକ୍ଷା ପରେ ସୁରକ୍ଷିତ ସ୍ଥାନରେ ଛାଡି ଦିଆଯିବ ବୋଲି ବନ ବିଭାଗ ପକ୍ଷରୁ କୁହାଯାଇଛି।
