ଦେବଗଡ଼,ଏନ୍ଏନ୍ଏସ୍: ବାରକୋଟ ପଞ୍ଚାୟତ ସମିତି ଅଧ୍ୟକ୍ଷ ଭାବେ କାଳିଆପାଳ ପଞ୍ଚାୟତ ସମିତି ସଦସ୍ୟା ବିଜେଡି ସମର୍ଥିତ ପୁଷ୍ପାଞ୍ଜଳି ପାତ୍ର ନିର୍ବାଚିତ ହୋଇଛନ୍ତି। ଚଳିତ ପଞ୍ଚାୟତ ନିର୍ବାଚନରେ ସେ କାଳିଆପାଳ ପଞ୍ଚାୟତର ସମିତି ସଦସ୍ୟା ଭାବେ ନିର୍ବାଚିତ ହୋଇ ଆଜି ବାରକୋଟ ପଞ୍ଚାୟତ ସମିତି ଅଧ୍ୟକ୍ଷା ଭାବେ ନାମାଙ୍କନ ଦାଖଲ କରିଥିଲେ।
ଏଥିସହ ସେ ତାଙ୍କ ସହ ପ୍ରତିଦ୍ବନ୍ଦିତା କରୁଥିବା ବିଜେପି ସମର୍ଥିତ ଗୋଳାବନ୍ଧ ପଞ୍ଚାୟତ ସମିତି ସଦସ୍ୟା ତଥା ବାରକୋଟ ବ୍ଲକ୍ ପୂର୍ବତନ ଅଧ୍ୟକ୍ଷା ସୁବାସିନୀ ସାହୁଙ୍କୁ ୧୫-୮ ଭୋଟ ବ୍ୟବଧାନରେ ପରାସ୍ତ କରି ପୁଷ୍ପାଞ୍ଜଳି ନିର୍ବାଚିତ ହେବାପରେ ବାରକୋଟ ପଞ୍ଚାୟତ ସମିତି ବିଜେଡି ଅକ୍ତିଆରକୁ ଯାଇଛି। ଏଥିସହ ଆଜି ଅନୁଷ୍ଠିତ ହୋଇଥିବା ୩ଟି ବ୍ଲକ୍ର ଅଧ୍ୟକ୍ଷ ପଦବୀ ପାଇଁ ଭୋଟ ଫଳାଫଳରେ ଜିଲ୍ଲାରେ ବିଜେଡି ୨ଟି ଆସନ ଅକ୍ତିଆର କରିଥିବା ବେଳେ ବିଜେପି ଖାତାକୁ ଗୋଟିଏ ଆସନ ଯାଇଛି।
