ଢାକା,ଏଜେନ୍ସି: ଭାରତର ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ବିୟୋଗରେ ବାଂଲାଦେଶରେ ବୁଧବାର ଜାତୀୟ ଶୋକ ପାଳନ ସ୍ୱରୁପ ଜାତୀୟ ପତାକାକୁ ଅର୍ଦ୍ଧନମିତ କରାଯାଇଥିଲା। ଗତ ସୋମବାର ପ୍ରଣବ ମୁଖାର୍ଜୀଙ୍କ ବିୟୋଗରେ ବାଂଲାଦେଶ ପ୍ରଧାନମନ୍ତ୍ରୀ ଶେଖ ହସିନା ଶୋକ ପ୍ରକାଶ କରି ତାଙ୍କୁ ବାଂଲାଦେଶର ଜଣେ ହିତାକାଂକ୍ଷୀ ବୋଲି ବର୍ଣ୍ଣନା କରିଥିଲେ। ପ୍ରଣବ ଭାରତର ୧୩ତମ ରାଷ୍ଟ୍ରପତି ଭାବରେ ତାଙ୍କ କାର୍ଯ୍ୟକାଳ ସମୟରେ ଭାରତ-ବାଂଲାଦେଶ ମଧ୍ୟରେ ଥିବା ସମ୍ବନ୍ଧକୁ ମଜଭୁତ କରିବା ଦିଗରେ ବିଶେଷ ଯୋଗଦାନ ଦେଇଥିଲେ। ସେ ସବୁବେଳେ ବାଂଲାଦେଶ ଜନସାଧାରଣଙ୍କ ହୃଦୟରେ ରହିବେ ବୋଲି ପ୍ରଣବଙ୍କ ଉଦ୍ଦେଶ୍ୟରେ ଶ୍ରଦ୍ଧାଞ୍ଜଳି ଜଣାଇ କହିଛନ୍ତି ଶେଖ ହସିନା। ସୂଚନାଯୋଗ୍ୟ, ୧୯୭୧ରେ ହୋଇଥିବା ବାଂଲାଦେଶ ମୁକ୍ତି ସଂଗ୍ରାମରେ ଅବଦାନ ପାଇଁ ୨୦୧୩ରେ ପ୍ରଣବ ମୁଖାର୍ଜୀଙ୍କୁ ‘ବାଂଲାଦେଶ ମୁକ୍ତିଯୋଦ୍ଧା ସମ୍ମାନ’ରେ ସମ୍ମାନିତ କରାଯାଇଥିଲା।
