ଫିରିଙ୍ଗିଆ,ଏନ୍ଏନ୍ଏସ୍: ଫିରିଙ୍ଗିଆ ବ୍ଲକ କେଳାପଡ଼ା ପଞ୍ଚାୟତ କୂର୍କୁନା ପାଲି ଗାଁରେ ସ୍ୱୟଂ ସହାୟିକା ଗୋଷ୍ଠୀ ଓ ମିଶନ ଶକ୍ତିର ମିଳିତ ସହଯୋଗରେ ଜଙ୍ଗଲକୁ ନିଆଁ ଦାଉରୁ ରକ୍ଷା କରିବା ନିମନ୍ତେ ସଚେତନତା ବୈଠକ ଅନୁଷ୍ଠିତ ହୋଇଯାଇଛି । ଟୁମୂଲାପଦର ବନ ସୁରକ୍ଷା ସମିତି ଅଧିନସ୍ଥ ମା’ ବୃନ୍ଦାବତୀ ସ୍ୱୟଂ ସହାୟିକା ଗୋଷ୍ଠୀର ମା’ମାନେ ଜଙ୍ଗଲକୁ ସୁରକ୍ଷା ସହ ନିଆଁ ଦାଉରୁ ରକ୍ଷା କରିବା ନିମନ୍ତେ ନିଜେ ସଚେତନ ହେବାସହ ଅନ୍ୟମାନଙ୍କୁ ସଚେତନ କରିବା ହେଉଛି ଏହା ପଛର ମୂଳ ଲକ୍ଷ୍ୟ ଓ ଉଦ୍ଦେଶ୍ୟ । ଉକ୍ତ କାର୍ଯ୍ୟକ୍ରମରେ ନୂଆପଦର ବନପାଳ ବ୍ରଜ ସୁନ୍ଦର୍ ଦାଶ, ପାହାଡ଼ ସ୍ୱେଛାସେବୀ ଅନୁଷ୍ଠାନର ଡିଓ ଅମୂଲ୍ୟ ପ୍ରଧାନ, କେଳାପଡ଼ା ପଞ୍ଚାୟତ ସମିତି ସଭ୍ୟ ବୈରାଗୀ କହଁର, ଟୁମୁଲା ପଦର ବନ ସୁରକ୍ଷା ସମିତି ସଭାପତି ତ୍ରିନାଥ କହଁରଙ୍କ ସହ ୩ଟି ସ୍ୱୟଂ ସହାୟିକା ଗୋଷ୍ଠୀର ମହିଳା, ସିଆରପି ଓ ଗ୍ରାମବାସୀମାନେ ଯୋଗ ଦେଇଥିଲେ । ସେହିପରି କେଳାପଡ଼ା ପଞ୍ଚାୟତର କେଟଡ଼ା ମାହାଗ୍ରାମରେ ମା’ ପିତବଳୀ ସ୍ୱୟଂ ସହାୟିକା ଗୋଷ୍ଠୀ ତିଲକ ପଡ଼ି ଦ୍ୱାରା ଏହି ସଚେତନତା ବୈଠକ ଅନୁଷ୍ଠିତ ହୋଇଯାଇଛି ।
