ପାଟଣାଗଡ଼,ଏନ୍ଏନ୍ଏସ୍: ବଲାଙ୍ଗିର ଜିଲ୍ଲା ପାଟଣାଗଡ଼ସ୍ଥିତ କୁସମକାନି ନର୍ସରୀରେ ଏକ ବନାଗ୍ନି ଉପରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପାଟଣାଗଡ଼ ବନ ବିଭାଗ ଅଧିକାରୀ ଆନନ୍ଦ ଚନ୍ଦ୍ର ବିଶିଙ୍କ ସଭାପତିତ୍ୱରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ପାଟଣାଗଡ଼ ଫାୟାର ଅଧିକାରୀ ନିରନ ମାଝୀ ଓ ସମ୍ମାନିତ ଅତିଥିଭାବେ ଡେପୁଟି ରେଞ୍ଜର ସୁରଥୀ ବେହେରା, ସହଫରେଷ୍ଟର ପାଟଣାଗଡ଼,ଟିକ୍ରାପଡ଼ା,ବନ୍ଧପଡ଼ା,ପାଢ଼େଲ, ବନ ବିଭାଗ କର୍ମଚାରୀ, ପାରା ଷ୍ଟାଫ, ଫାୟାର ସ୍କ୍ୱାଡ ସହ ମିଶନ ଶକ୍ତିର ମହିଳାମାନେ ଅଂଶଗ୍ରହଣ କରିଥିଲେ । ପରେ ଦମକଳ ବାହିନୀର କର୍ମଚାରୀମାନେ ଜଙ୍ଗଲରେ ନିଆଁ ଲାଗିଲା ପରେ କେମିତି ଭାବେ ନିଆଁକୁ ଲିଭାଇବେ ସେଉପରେ ଉପସ୍ଥିତ ମହିଳା ଓ ବନ କର୍ମଚାରୀଙ୍କୁ ଡେମୋ ଦେଖାଇଥିଲେ । ପରେ ଜନସାଧାରଣଙ୍କୁ ସଚେତନ କରିବା ପାଇଁ ମହିଳା ଓ ବନ କର୍ମଚାରୀମାନେ ହାତରେ ପ୍ଲା କାର୍ଡ ଧରି ଶୋଭାଯାତ୍ରା କରିଥିଲେ ।
