ଅଶୋକ ଓ ଅର୍ପିତା ପାଇବେ ଅଟଳ ରତ୍ନ ପୁରସ୍କାର
- ଭୁବନେଶ୍ୱର: ଜାତୀୟ ପ୍ରଶିକ୍ଷକ ଅଶୋକ ପ୍ରସାଦ ଓ ଆନ୍ତର୍ଜାତିକ ଆଥଲେଟ୍ ଅର୍ପିତା ପରିଡା ପାଇବେ ଜାତୀୟ ଅଟଳ ରତ୍ନ ପୁରସ୍କାର। ଚଳିତ ମାସ ୨୪ ତାରିଖରେ ଗୋଆର ମାଡ଼ଗାଁରେ ସରକାରୀ କୋଭିଡ୍ ନିୟମ ଅନୁଯାୟୀ ଅଶୋକ ଓ ଅର୍ପିତାଙ୍କୁ ମିଳିବ ଅଟଳ ରତ୍ନ କ୍ରୀଡା ପୁରସ୍କାର।
ଏହି ପୁରସ୍କାର ପାଇବାରେ ଅଶୋକ ଓ ଅର୍ପିତା ହେଉଛନ୍ତି ସୁନ୍ଦରଗଡ଼ ଜିଲ୍ଲାର ପ୍ରଥମ ଖେଳାଳି ଓ କୋଚ୍। ଅର୍ପିତା ଚଳିତ ମାସ ୧୭ରୁ ୧୯ ତାରିଖ ପର୍ଯ୍ୟନ୍ତ ଗୋଆରେ ଅନୁଷ୍ଠିତ ଯୁବ ଜାତୀୟ କ୍ରୀଡ଼ା ପ୍ରତିଯୋଗିତାରେ ଭାଗ ନେଇ ୧୯ ବର୍ଷରୁ କମ ବର୍ଗରେ ଡିସକସ୍ ଥ୍ରୋ’ରେ ଭାଗ ନେଇ ସ୍ୱର୍ଣ୍ଣ ପଦକ ଜିତିଛନ୍ତି।
ଅର୍ପିତା ଓ ଅଶୋକ ଏବେ ପାନପୋଷ କ୍ରୀଡ଼ା ସଂଗଠନର ଆଜୀବନ ସଦସ୍ୟ ଅଛନ୍ତି।
ସଂଗଠନର ସଭାପତି ରଶ୍ମିତ ସାହାଣୀ, କାର୍ଯ୍ୟକାରୀ ସଭାପତି ବିକ୍ରମ ସ୍ୱାଇଁ, ଉପସଭାପତି ମହେନ୍ଦ୍ର ମିଶ୍ର, ନିଖିଳ ପ୍ରଧାନ, କେ ରାଜେଶ୍ୱରୀ, ବିଜୟ ବଡାଇକ, ସଂଗଠନ ସମ୍ପାଦକ ସତ୍ୟନାରାୟଣ ପଣ୍ଡା, କୋଷାଧ୍ୟକ୍ଷ ସୁଚିତ୍ରା ଦାସ, ଯୁଗ୍ମ ସମ୍ପାଦକ ଶଙ୍କର ଆବୁନିଙ୍କ ସମେତ ଧୀରେନ ଦାସ, ସ୍ୱାଗତିକା ମହାନ୍ତି, ଏମ ମଧୁର ବାଣି, ଗୀତାଞ୍ଜଳି ଟପ୍ପୋ, ଅଞ୍ଜଳି ଦାସ , ସୁମନ ରାଓ , ଦିଲୀପ ସୁନିୟନି, ଗୋପୀନାଥ ପଣ୍ଡା, ଏନସି ସାହୁ ଓ ସୁସ୍ମିତା ଚାରଦିଆ ପ୍ରମୁଖ ଅଶୋକ ଓ ଅର୍ପିତାଙ୍କୁ ଅଭିନନ୍ଦନ ଜଣାଇବା ସହିତ ତାଙ୍କର ଉତ୍ତରୋତ୍ତର କାମନା କରିଛନ୍ତି।