ଭୋପାଲ,ଏଜେନ୍ସି: ମଧ୍ୟପ୍ରଦେଶ ସିଙ୍ଗରୋଲି ଠାରୁ ୧୮ କି.ମି ଦୂର ସାସନରେ ଥିବା ରିଲାଏନ୍ସ ପାଓ୍ଵାର ପ୍ଲାଣ୍ଟ୍ ପାଉଁଶ ପୋଖରୀ ବନ୍ଧ ଭାଙ୍ଗିଯିବାରୁ ନିକଟତମ ଗାଁରେ ପାଣି ଓ ପାଉଁଶ ପଶିଯିବାରୁ ଗୋଟିଏ ପରିବାରରୁ ୨ ଜଣଙ୍କର ମୃତ୍ୟୁ ହୋଇଛି ।
ଅନ୍ୟ ୪ ଜଣ ନିଖୋଜ ଥିବା ଜଣାଯାଇଛି । ପାଉଁଶ ଭିତରୁ ୨ ମହିଳାଙ୍କ ଶବ ମିଳିଥିବା ବେଳେ ଅନ୍ୟ ୪ଜଣଙ୍କର ପତ୍ତା ମିଳିନାହିଁ।ଗାଁର ଚାଷ ଜମିରେ ପାଉଁଶ ମାଡ଼ି ଯିବାରୁ ବ୍ୟାପକ ଫସଲ ହାନୀ ଘଟିଛି। ସୂଚନା ମିଳିବା ପରେ ଜିଲ୍ଲାପାଳ ପହଞ୍ଚି ଉଦ୍ଧାର କାର୍ଯ୍ୟ କରାଇବା ସହ କ୍ଷୟକ୍ଷତିର ଆକଳନ କରିବାକୁ ନିର୍ଦ୍ଦେଶ ଦେଇଥିବା ଜଣାଯାଇଛି ।
