ମାଲକାନଗିରି,ଏନ୍ଏନ୍ଏସ୍: ଜିଲ୍ଲାରେ ଆଜି ଆଉ ଏକ ଅଜଗର ସାପ ଉଦ୍ଧାର କରାଯାଇଛି। ସୂଚନା ଅନୁସାରେ ଏକ ଅଜଗର ସାପ ଖାଦ୍ୟ ଅନ୍ୱେଷଣରେ ଲାଠିଆଗୁଡାରେ ରହୁଥିବା ରମାମଣୀ ମାଝୀଙ୍କ ଘରେ ପଶିଥିଲା। ରମାମଣୀ ନିଜ ପୋଷା କୁକୁରକୁ ଖାଇବାକୁ ଦେବା ବେଳେ ସେ ଅଜଗରଟିକୁ ଦେଖିଥିଲେ।
ସାପଟିକୁ ଦେଖି ସ୍ଥାନୀୟ ଲୋକ ସ୍ନେକ ହେଲ୍ପ ଲାଇନ ସଦସ୍ୟଙ୍କୁ ଖବର ଦେଇଥିଲେ। ପରେ ସ୍ନେକ ହେଲ୍ପ ଲାଇନର ସଦସ୍ୟ ସତ୍ୟଜିତ ଗୌଡ଼ ଓ ସ୍ନେହାଶିଷ ନାୟକ ପହଞ୍ଚି ସାପଟିକୁ ଉଦ୍ଧାର କରି ସୁରକ୍ଷିତ ଭାବରେ ଜଙ୍ଗଲରେ ଛାଡ଼ିଥିବା ଜଣାପଡ଼ିଛି। ବିଗତ ଏକ ମାସ ମଧ୍ୟରେ ସଦର ମହକୁମାରେ ୫ରୁ ଊର୍ଦ୍ଧ୍ୱ ଅଜଗର ସାପ ଉଦ୍ଧାର ହୋଇଛି।
