କଟକ,ଏନ୍ଏନ୍ଏସ୍: ଆଜି ଅପରାହ୍ଣରେ ମହାନଦୀର ମଧୁସୂଦନ ସେତୁରୁ ଜଣେ ମହିଳା ପାଣିକୁ ଖସିପଡ଼ିଥିଲେ। ପରେ ପୁଲିସ ଦ୍ୱାରା ତାଙ୍କୁ ସେଠାରୁ ଊଦ୍ଧାର କରାଯାଇଥିଲା।
ଉକ୍ତ ମହିଳା ଜଣଙ୍କ ଓଲିଉଡ ଫିଲ୍ମ ଅଭିନେତା ଅମ୍ଳାନଙ୍କ ସ୍ତ୍ରୀ ବୋଲି ଜଣାପଡ଼ିଛି। ନଦୀରେ ପୂଜା ସାମଗ୍ରୀ ବିସର୍ଜନ କରୁଥିବା ବେଳେ ଗୋଡ ଖସିଯିବାରୁ ସେ ପାଣିରେ ପଡ଼ିଯାଇଥିଲେ। ସେହି ସମୟରେ ଅମ୍ଳାନ ମଧ୍ୟ ନିକଟରେ ଥିଲେ। ପରେ ସେ ପୁଲିସକୁ ଫୋନ କରିଥିଲେ। ପୁଲିସ ଖବର ପାଇ ଘଟଣାସ୍ଥଳରେ ପହଞ୍ଚି ପାଣିକୁ ଡେଇଁ ତାଙ୍କୁ ଉଦ୍ଧାର କରିଥିଲେ। ପରେ ସିଡିଏ ଫେଜ୍-୨ ଥାନାରେ ଅମ୍ଳାନ ଓ ତାଙ୍କ ସ୍ତ୍ରୀ ପହଞ୍ଚିଥିଲେ। ଏନେଇ ଅମ୍ଳାନ ନିଜେ ବୟାନ ଦେଇଛନ୍ତି। ସେହିପରି ତାଙ୍କର କୌଣସି କ୍ଷତି ହୋଇନଥିବା ପୁଲିସ ସୂଚନା ଦେଇଛି।
