ନୂଆଦିଲ୍ଲୀ: କତରସ୍ଥିତ ଭାରତୀୟ ରାଜଦୂତ ଦୀପକ ମିତ୍ତଲ ତାଲିବାନର ଶୀର୍ଷନେତା ମହମ୍ମଦ ଷ୍ଟେନକଜଇଙ୍କୁ ଭେଟିଛନ୍ତି। ତାଲିବାନ ପକ୍ଷରୁ ଅନୁରୋଧ ହେବା ପରେ ଏହି ବୈଠକ ଦୋହାସ୍ଥିତ ଭାରତୀୟ ଦୂତବାସରେ ଅନୁଷ୍ଠିତ ହୋଇଥିଲା। ଆଫଗାନିସ୍ତାନରେ ଫସିଥିବା ଭାରତୀୟଙ୍କୁ ନେଇ ଉଭୟଙ୍କ ମଧ୍ୟରେ ଆଲୋଚନା ହୋଇଥିଲା। ଏଥିସହିତ ଭାରତୀୟଙ୍କ ସୁରକ୍ଷାକୁ ନେଇ ମଧ୍ୟ ଚର୍ଚ୍ଚା ହୋଇଥିଲା। ଏନେଇ ବୈଦେଶିକ ମନ୍ତ୍ରଣାଳୟ ପକ୍ଷରୁ ସୂଚନା ଜାରି କରାଯାଇଛି।
