ଭୁବନେଶ୍ୱର,ଏନ୍ଏନ୍ଏସ୍: ଆଜି ରାଜ୍ୟରୁ ୧୪୩ଟି କରୋନ ପଜିଟିଭ କେସ ଆସିଥିବା ବେଳେ ସେଥିରେ ଆଉ ଏକ ନୂତନ ଜିଲ୍ଲା ସାମିଲ ହୋଇଛି। ଏଥିସହ ରାଜ୍ୟର ୩୦ଟି ଜିଲ୍ଲାରେ ବର୍ତ୍ତମାନ କରୋନା ସଂକ୍ରମଣ ଚିହ୍ନଟ ହୋଇଛନ୍ତି। ତେବେ ରାୟଗଡ଼ା ଜିଲ୍ଲାରେ ଆଜି ପ୍ରଥମ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଏଥିସହ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଚିହ୍ନଟ ଆକ୍ରାନ୍ତଙ୍କ ତଥ୍ୟ ପ୍ରଦାନ କରାଯାଇଛି।
ଏଥିରେ ବଲାଙ୍ଗିରରୁ ୧୩, କେନ୍ଦ୍ରାପଡ଼ାରୁ ୯, ନୂଆପଡ଼ାରୁ ୮, ସୋନପୁରରୁ ୧୭, ରାୟଗଡ଼ାରୁ ଜଣେ, ଗଞ୍ଜାମରୁ ୪୧, ଖୋର୍ଦ୍ଧାରୁ ୩, ମୟୁରଭଞ୍ଜରୁ ୮, ଦେବଗଡ଼ରୁ ଜଣେ, ଅନୁଗୁଳରୁ ୩, ବାଲେଶ୍ୱରରୁ ୨୪, ଭଦ୍ରକରୁ ୩, କଳାହାଣ୍ଡିରୁ ଜଣେ, ଗଜପତିରୁ ୪ଜଣ, ସମ୍ବଲପୁରରୁ ୩ ଓ ସୁନ୍ଦରଗଡ଼ରୁ ୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।
