ରିଆମାଳ,ଏନ୍ଏନ୍ଏସ୍: ଦେବଗଡ଼ ଜିଲ୍ଲା କୃଷି ପ୍ରଶାସନ ପକ୍ଷରୁ ଆଜି ରିଆମାଳ କଲ୍ୟାଣ ମଣ୍ଡପରେ ଅକ୍ଷୟ ତୃତୀୟା ଉତ୍ସବ ପାଳନ କରାଯାଇଛି । ଉକ୍ତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଦେବଗଡ଼ ଜିଲ୍ଲା ପରିଷଦ ଅଧ୍ୟକ୍ଷ କୌଶିକ କୁମାର ପ୍ରଧାନ, ସମ୍ମାନିତ ଅତିଥି ଭାବେ ରିଆମାଳ ବ୍ଲକ ଅଧ୍ୟକ୍ଷ ମଧୁସୂଦନ ପ୍ରଧାନ, ବ୍ଲକ ବିଧାୟକଙ୍କ ପ୍ରତିନିଧି ଶରତ କୁମାର ସାହୁ, ରିଆମାଳ ପୂର୍ବତନ ସରପଞ୍ଚ ତରଣୀସେନ ପ୍ରଧାନ, ବାରକୋଟ ବ୍ଲକ କୃଷି ଅଧିକାରୀ ଧବଳେଶ୍ୱର ପ୍ରଧାନ, ତିଲେଇବଣୀ ବ୍ଲକ କୃଷି ଅଧିକାରୀ ମନୋଜ କୁମାର ମାରାଣ୍ଡି ଓ ମୃତିକା ରସାୟନବିତ ଲିଙ୍ଗରାଜ ପ୍ରଧାନ ଯୋଗ ଦେଇଥିଲେ । ଏହି କାର୍ଯ୍ୟକ୍ରମକୁ ଜିଲ୍ଲା ମୁଖ୍ୟ କୃଷି ଅଧିକାରୀ ସୁବ୍ରତ କୁମାର ସାହୁ ସ୍ୱାଗତ ଭାଷଣ ସହ ସଂଯୋଜନା କରିଥିଲେ । ଏହି ଅବସରରେ ମାଟି ପରୀକ୍ଷା, ବିହନ ବିଶୋଧନ, ବିହନ ଯୋଗାଣ, କୃଷି ଋଣ ଓ ବୈଷୟିକ ଜ୍ଞାନ ଉପରେ ଅତିଥିମାନେ ସବିଶେଷ ବିବରଣୀ ଦେଇଥିଲେ । ଅନ୍ୟମାନଙ୍କ ମଧ୍ୟରେ ସବୁ ପଞ୍ଚାୟତ ସରପଞ୍ଚ ଓ ସମିତି ସଭ୍ୟଙ୍କ ସମେତ ଶତାଧିକ ଚାଷୀ ଉପସ୍ଥିତ ଥିଲେ । ରିଆମାଳ କୃଷି ଅଧିକାରୀ ଦୀପ୍ତିମୟୀ ଗଡ଼ନାୟକ, ପ୍ରଣତୀ ରାଉତ, କୁମୁଦିନୀ କିସାନ ଓ ଦୀପ୍ତିମୟୀ ପ୍ରଧାନ ପ୍ରମୁଖ ସହଯୋଗ କରିଥିଲେ ।
