ସଇଁନ୍ତଲା,ଏନ୍ଏନ୍ଏସ୍: ବଲାଙ୍ଗିର ଜିଲ୍ଲା ସଇଁନ୍ତଲାର ରାଜ କିଶୋର ପୃସେଠ ଓ ସୁନୀତା ପୁସେଠଙ୍କ ଝିଅ ଐଶରିୟା ଓଏଏସ (ଓଡିଶା ପ୍ରଶାସନିକ ସେବା) ପରୀକ୍ଷାରେ ସଫଳତା ହାସଲ କରିଛନ୍ତି। ସେ ସର୍ବ ଓଡ଼ିଶା ସ୍ତରରେ ୫୭ ନମ୍ବର ରାଙ୍କ ହାସଲ କରି ସଇଁନ୍ତଲା ତଥା ବଲାଙ୍ଗିର ଜିଲ୍ଲାପାଇଁ ଗର୍ବ ଓ ଗୌରବ ଅର୍ଜନ କରିଛନ୍ତି। ଐଶରୀୟା ସଇଁନ୍ତଲା ଶିଶୁମନ୍ଦିରରେ ଦଶମ ସାରିବା ପରେ ଯୁକ୍ତ ୨ ପାଇଁ ବିକାଶ କଲେଜ ସୁନ୍ଦରଗଡ଼ରେ ଅଧ୍ୟୟନ କରୁଥିଲେ।
ପରେ ବିଜେବି କଲେଜ ଭୁନେଶ୍ବରରେ ଯୁକ୍ତ ୩ ଅଧ୍ୟୟନ କରିଥିଲେ। ପରେ ସେଣ୍ଟ୍ରାଲ ବିଶ୍ଵବିଦ୍ୟାଲୟ ପଞ୍ଜାବରେ ଜୀବ ବିଜ୍ଞାନ ବିଭାଗରେ ସ୍ନାତକ ଡିଗ୍ରୀ ହାସିଲ କରି ଗୋଲ୍ଡ ମେଡାଲ ମଧ୍ୟ ପାଇଥିଲେ। ସେ ଆଗରୁ ଓଡ଼ିଶା ପ୍ରଶାସନିକ ସେବା ପରୀକ୍ଷା ପାଇଁ ପ୍ରସ୍ତୁତି ହେଉଥିଲେ। ସେ ଚଳିତ ବର୍ଷ ଓଡ଼ିଶା ପ୍ରଶାସନିକ ସେବା ପରୀକ୍ଷାରେ ୫୭ ନମ୍ବର ରାଙ୍କ ରଖି ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି।
ଏହି ଖବର ପାଇବା ପରେ ସଇଁତଲା ଅଞ୍ଚଳରେ ଖୁସିର ଲହରୀ ଖେଳିଯିବା ସହ ପୂର୍ବତନ ମନ୍ତ୍ରୀ ସୁରେନ୍ଦ୍ର ସିଂ ଭୋଇ, ବ୍ଲକ୍ ଅଧ୍ୟକ୍ଷା ମୋନିକା ସିଂ ଭୋଇ, ବ୍ଲକ୍ ଉପାଧ୍ୟକ୍ଷ ଗୁଣ ସାଗର ମାଝୀ, ବରିଷ୍ଠ ସାମ୍ବାଦିକ ଦୟାନିଧି ସାହୁ,
ଦେବେନ୍ଦ୍ର ଯୋଶୀ, ଅଜିତ ସାହୁ, ତରୁଣ ବେହେରା, ଅଭିନାଶ ନନ୍ଦ, ମଣ୍ଟୁ ପୁସେଠ ସମେତ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟୁଛି।
