ନୂଆଦିଲ୍ଲୀ,ଏଜେନ୍ସି: ଆଜି ୮୯ତମ ଭାରତୀୟ ବାୟୁସେନା ପ୍ରତିଷ୍ଠା ଦିବସ। ୧୯୩୨ ମସିହା ଆଜିର ଦିନରେ ସ୍ଥାପନ ହୋଇଥିଲା ଭାରତୀୟ ବାୟୁସେନା। ଚଳିତ ବର୍ଷ ବାୟୁସେନା ବିଜୟ ବର୍ଷ ପାଳନ କରୁଛି। ଏହି ଅବସରରେ ଉତ୍ତରପ୍ରଦେଶର ଗାଜିଆବାଦସ୍ଥିତ ହିଣ୍ଡନ ଏୟାରବେସରେ ସ୍ବତନ୍ତ୍ର କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ଏଥିରେ ୩ ସେନାର ମୁଖ୍ୟ ସାମିଲ ହୋଇ ସହିଦ ଜବାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ବାୟୁସେନାର ବିଭିନ୍ନ ବିମାନ ପକ୍ଷରୁ ସାମରିକ କୌଶଳ ପ୍ରଦର୍ଶନ କରାଯାଉଛି। ଏୟାରବେସରେ ବାୟୁସେନା ପରେଡ କାର୍ଯ୍ୟକ୍ରମ କରାଯିବା ସହ ଆକାଶ ଗଙ୍ଗା ଟିମ୍ ଡେୟାର ଡେଭିଡ ସୋ ପ୍ରଦର୍ଶିତ କରିଛନ୍ତି।
