ବାଗଦାଦ୍,ଏଜେନ୍ସି: ଆମେରିକା- ଇରାନ ମଧ୍ୟରେ ଉତ୍ତେଜନା ଲାଗି ରହିଥିବା ବେଳେ ପୁଣି ଆମେରିକା ଦୂତାବାସ ନିକଟରେ ରକେଟ୍ ମାଡ଼ କରାଯାଇଛି। ଏହି ପରିପ୍ରେକ୍ଷୀରେ ୫ଟିରକେଟ୍ ମାଡ଼ କରାଯାଇଥିବା ଜଣାପଡ଼ିଛି। ତେବେ ଏହି ରକେଟ୍ ମାଡ଼ରେ କୌଣସି ଜୀବନ ହାନି ହୋଇନଥିବା ବେଳେ କିଏରକେଟ୍ ମାଡ଼ କରିଛି ତାହା ସ୍ପଷ୍ଟ ହୋଇନାହିଁ। ସୂଚନା ଅନୁସାରେ ସୁଲେମାନ୍ର ହତ୍ୟା ପରେ ଇରାନ୍ ଓ ଆମେରିକା ମଧ୍ୟରେ ସମ୍ପର୍କ ବିଗିଡ଼ିବାରେ ହୋଇଛି।
ଗତକାଲି ବିଳମ୍ବିତ ରାତିରେ ବଗଦାଦ୍ରେ ଥିବା ଆମେରିକା ଦୂତାବାସ ନିକଟରେ ରକେଟ୍ ମାଡ କରିଛି। ଏହି ଆକ୍ରମଣରେ କ୍ଷୟକ୍ଷତିର ସୂଚନା ମିଳିନାହିଁ। ତେବେ ଗତକାଲିର ଏହି ଆକ୍ରମଣ ପରେ ଆମେରିକା- ଇରାନ ମଧ୍ୟରେ ଲାଗିରହିଥିବା ଉତ୍ତେଜନା ପୁଣି ମୁଣ୍ଡ ଟେକିଛି। ମିଳିଥିବା ସୂଚନାନୁସାରେ ଗତକାଲି ବିଳମ୍ବିତ ରାତିରେବାଗଦାଦ୍ରେ ଥିବା ଆମେରିକାର ଦୂତାବାସ ନିକଟରେ ୫ଟି ରକେଟ୍ ମାଡ ହୋଇଥିଲା। ତେବେ ସପ୍ତାହକ ମଧ୍ୟରେ ଇରାନ ୨ଥର ରକେଟ୍ ଆକ୍ରମଣ କରି ଆମେରିକାକୁ ଖୋଲା ଚ୍ୟାଲେଞ୍ଜ ଦେଇଛି। ଏହି ରକେଟ୍ ଆକ୍ରମଣ ପରେ ଆମେରିକା ସହିତ ଇରାନର ସମ୍ପର୍କ ଆହୁରି ତିକ୍ତ ହୋଇଥିବା କୁହାଯାଉଛି।
