ବରଗଡ,ଏନ୍ଏନ୍ଏସ୍ : ବରଗଡ଼ ଜିଲ୍ଳା ଅମ୍ବାଭୋନା ବ୍ଳକ ସନ୍ଥରା ଗ୍ରାମରେ କୁକୁଡା ବୋଝେଇ ଗାଡି ଗଛରେ ପିଟି ହୋଇ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି । ମୃତ ବ୍ୟକ୍ତି ଜଣକ ବରଗଡ଼ ଡାଙ୍ଗର ଗ୍ରାମର ମନ ଭୁଏ (୭୦) ବୋଲି ଜଣାପଡିଛି ।
ମିଳିଥିବା ସୂଚନା ଅନୁଯାୟୀ, ଶନିବାର ସକାଳେ ବରଗଡ଼ରୁ ଏକ ଟାଟା ଏସି ଗାଡିରେ କୁକୁଡା ବୋଝେଇ ହୋଇ ଅମ୍ବାଭୋନା ବ୍ଳକ ଡୁଙ୍ଗୁରୀ ଅଚଂଳକୁ ଯାଉଥିଲା । ସନ୍ଥରା ନିକଟ ବୁଲାଣୀରେ ଉକ୍ତ କୁକୁଡା ବୋଝେଇ ଟାଟା ଏସି ଏକ ଗଛରେ ବାଡେଇ ହୋଇ ଦୁର୍ଘଟଣା ଗସ୍ତ ହେବା ସହ ଗାଡିଟି ଦୁଇ ଖଣ୍ଡ ହୋଇଯାଇଥିଲା । ଫଳରେ ଗାଡିର ଡ୍ରାଇଭର ଏବଂ ଗାଡିରେ ବସିଥିବା ମନ ଭୁଏ ଗୁରୁତର ଆହତ ହୋଇଥିଲେ । ସ୍ଥାନୀୟ ଲୋକେ ଉଦ୍ଧାର କରି ଆହତଙ୍କୁ ବରଗଡ଼ ଜିଲ୍ଳା ମୁଖ୍ୟ ଡାକ୍ତରଖାନା ଅଣା ଯାଇଥିବା ବେଳେ ଏଠାରେ ଡାକ୍ତର ମନ ଭୁଏଙ୍କୁ ମୃତ ଘୋଷଣା କରିଥିଲେ। ଅମ୍ବାଭୋନା ପୋଲିସ ଏ ନେଇ ଏକ ମାମଲା ରୁଜୁ କରି ବ୍ୟବଛେଦ ପରେ ମୃତ ଦେହ ପରିବାର ବର୍ଗଙ୍କୁ ହସ୍ତାନ୍ତର କରି ତଦନ୍ତ ଜାରି ରଖିଛି ।
