ବାରିପଦା,ଏନ୍ଏନ୍ଏସ୍: ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଗ୍ରାମାଞ୍ଚଳ ଥାନା ପଳାଶବଣି ନିକଟରେ ଆଜି ପୂର୍ବାହ୍ନରେ ଦୁଇ ବାଇକ୍ ମଧ୍ୟରେ ଧକ୍କାହୋଇ ଜଣକର ମୃତ୍ୟୁ ହୋଇଥିବାବେଳେ ଦୁଇଜଣ ଗୁରୁତର ହୋଇଛନ୍ତି। ସୂଚନା ଅନୁସାରେ, ଗୋରୁମହିଷାଣୀ ଥାନା ଭେଲୁଡିହି ଗ୍ରାମର ସେକ୍ ନାସିର ବାଇକରେ ଗୋରୁମହିଷାଣୀରୁ ରାଇରଙ୍ଗପୁର ଅଭିମୁଖେ ଆସୁଥିବାବେଳେ ବିଶୋଇ ଥାନା ଅନ୍ତର୍ଗତ ଭାତଛତର ଗ୍ରାମର ମୁରଲି ମହାକୁଡ଼ ଏବଂ ଗୋବିନ୍ଦ ମହାକୁଡ଼ ବିଶୋଇରୁ ଗୋରୁମହିଷାଣୀ ଯାଉଥିବା ବେଳେ ଉଭୟଙ୍କ ମଧ୍ୟରେ ଧକ୍କା ହୋଇଥିଲା। ଅଗ୍ନିଶମ ବିଭାଗ ପହଞ୍ଚି ରକ୍ତ ଜୁଡୁବୁଡ ଅବସ୍ଥାରେ ସମସ୍ତଙ୍କୁ ଉଦ୍ଧାର କରି ରାଇରଙ୍ଗପୁର ହସ୍ପିଟାଲରେ ଭର୍ତ୍ତି କରିଥିଲା। ଅବଦୁଲ ନସିମ(୪୦)ଙ୍କୁ ଡାକ୍ତର ମୃତ ଘୋଷଣା କରିଛନ୍ତି। ଅନ୍ୟ ଦୁଇଜଣ ଚିକିତ୍ସାଧୀନ ଅଛନ୍ତି। ପୁଲିସ ଦୁଇ ବାଇକ ଜବତ କରି ତଦନ୍ତ କରୁଛି।
