ମୋହନା : ଗଜପତି ଜିଲ୍ଲା ମୋହନାରେ ଆଜି ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ତିନି ଜଣଙ୍କର ଶୋଚନୀୟ ମୃତ୍ୟୁ ଘଟିଛି । ଯାହାକୁ ନେଇ ଘଟଣାସ୍ଥଳରେ ଉତେଜନା ପ୍ରକାଶ ପାଇଛି ।
ସୂଚନା ଅନୁଯାୟୀ, ରାମ ରାଜୁ ଗ୍ରାମର ସୁଧିର ମଲ୍ଲିକ ଓ ମେଲ ମଲ୍ଲିକ ଓ ହୋଏରୁ ଗ୍ରାମର ରାମ ମଲ୍ଲିକ ଏକ ବାଇକ୍ ଯୋଗେ ମୋହନାରୁ ଘରକୁ ଫେରୁଥିଲେ । ଏହି ସମୟରେ ରାଇସିଂ ଛକ ନିକଟରେ ସମ୍ମୁଖରୁ ଆସୁଥିବା ଏକ ପିକଅପ୍ ଭ୍ୟାନ୍ ସେମାନଙ୍କ ବାଇକକୁ ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ତିନି ଜଣଙ୍କର ମୃତ୍ୟୁ ଘଟିଥିଲା । ଘଟଣାକୁ ନେଇ ସେଠାରେ ପ୍ରବଳ ଉତେଜନା ପ୍ରକାଶ ପାଇଛି । ଉତ୍ୟକ୍ତ ଲୋକେ ରାସ୍ତାରେ ପଥର ରଖି ଅବରୋଧ କରିଛନ୍ତି ।
ଖବର ପାଇ ପୋଲିସ ଘଟଣାସ୍ଥଳରେ ପହଂଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ସହ ମୃତଦେହ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଛି । ଦୁର୍ଘଟଣା ଘଟାଇଥିବା ପିକଅପ୍ ଭ୍ୟାନକୁ ଜବତ କରିଛି । ହେଲେ ଗାଡି ଚାଳକ ସେଠାରୁ ଫେରାର୍ ହୋଇଯାଇଛି ବୋଲି ସୂଚନା ମିଳିଛି।
