ଭଞ୍ଜନଗର,ଏନ୍ଏନ୍ଏସ୍ : ଗଞ୍ଜାମ ଜିଲ୍ଲା ତାରାସିଂ ଥାନାର ଗାଲେରୀ ଫାଣ୍ଡି ଅନ୍ତର୍ଗତ କାଠଚିରା ଗ୍ରାମ ନିକଟରେ ଦୁଇଟି ବାଇକ୍ ମୁହାଁମୁହିଁ ଧକ୍କା ହେବା ଫଳରେ ୨ଜଣଙ୍କ ଜୀବନ ଚାଲିଯାଇଛି। ଏଥିରେ ଅନ୍ୟ ୨ଜଣ ଗୁରୁତର ଆହତ ହୋଇଛନ୍ତି।
ମିଳିଥିବା ସୂଚନା ଅନୁଯାୟୀ, ତାରାସିଂ ଥାନା ଅନ୍ତର୍ଗତ କୋଟିବାଡି ଗ୍ରାମର ତୀର୍ଥ ବେହେରା ଓ ତାଙ୍କ ମା’ସୁବାସିନୀ ବେହେରା (୬୦) ମଟରସାଇକେଲ ଯୋଗେ ଭଞ୍ଜନଗର ଥାନା ଅନ୍ତର୍ଗତ ପଥରାପଲ୍ଲୀ ଗ୍ରାମକୁ ନିଜର ଜଣେ ବନ୍ଧୁ ଘରକୁ ଆସି କୋଟିବାଡି ଫେରୁଥିବାବେଳେ କାଠଚିରା ନିକଟରେ ବିପରୀତ ଦିଗରୁ ଆସୁଥିବା ଗାଲେରୀ ଗ୍ରାମର ବବୁଲ୍ ନାୟକଙ୍କ ବାଇକ୍ ସହ ମୁହାଁମୁହିଁ ଧକ୍କା ଖାଇଥିଲେ। ଫଳରେ ବାଇକରୁ ଛିଟିକି ପଡି ସୁବାସିନୀ ବେହେରା ଘଟଣାସ୍ଥଳରେ ହିଁ ମୃତ୍ୟୁବରଣ କରିଥିବାବେଳେ ଅନ୍ୟ ବାଇକରେ ଥିବା ବବୁଲ ନାୟକଙ୍କ ମୃତ୍ୟୁ ଘଟିଛି। ଏଥିରେ କୋଟିବାଡି ଗ୍ରାମର ତୀର୍ଥ ବେହେରା ଓ ଜିଲୁଣ୍ଡି ଗ୍ରାମର ଦୁନିଆଁ ନାୟକ ଗୁରୁତର ଆହାତ ହୋଇଛନ୍ତି। ଗୁରୁତର ଅବସ୍ଥାରେ ସୁବାସିନୀଙ୍କୁ ଭଞ୍ଜନଗର ମେଡିକାଲରେ ଭର୍ତ୍ତି କରାଯାଇଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଗାଲେରୀ ମେଡିକାଲକୁ ଚିକିତ୍ସାଧୀନ ଥିବା ବବୁଲ ନାୟକଙ୍କ ମଧ୍ୟ ମୃତ୍ୟୁ ହୋଇଥିଲା। ଅନ୍ୟ ୨ଜଣ ଗୁରୁତରଙ୍କୁ ପ୍ରଥମେ ଭଞ୍ଜନଗର ଓ ପରେ ବ୍ରହ୍ମପୁର ସ୍ଥାନାନ୍ତର କରାଯାଇଛି।
