ନୂଆଦିଲ୍ଲୀ,ଏଜେନ୍ସି: ଟୋକିଓ ପାରାଲମ୍ପିକ୍ସରେ ପୁଣି ପଦକ ଜିତିଛନ୍ତି ଶୁଟର ଅବନୀ ଲଖେରା। ସେ ୧୦ ମିଟର ରାଇଫଲ ସୁଟିଂରେ ସ୍ୱର୍ଣ୍ଣ ଜିତିବା ପରେ ପୁଣି ବ୍ରୋଞ୍ଚ ଜିତିଛନ୍ତି। ଅବନୀ ୫୦ ମିଟର ରାଇଫଲ-୩ ପୋଜିସିନ୍ ଏସଏଚ-୧ରେ ବ୍ରୋଞ୍ଚ ପଦକ ଜିତିଛନ୍ତି। ଏହି ପଦକ ସହ ଚଳିତ ଗେମ୍ସରେ ଭାରତର ପଦକ ସଂଖ୍ୟା ୧୨ରେ ପହଞ୍ଚିଛି। ଏହାପୂର୍ବରୁ ଅବନୀ ମହିଳାଙ୍କ ଆର-୨୧୦ ମିଟର ଏୟାର ରାଇଫଲ କ୍ଲାସ ଏସଏଚ-୧ରେ ସ୍ୱର୍ଣ୍ଣ ପଦକ ଜିତି ଇତିହାସ ରଚିଥିଲେ।
ସେ ପାରାଅଲମ୍ପିକ୍ସରେ ସ୍ୱର୍ଣ୍ଣ ପଦକ ଜିତିବାରେ ପ୍ରଥମ ମହିଳା ହୋଇଛନ୍ତି। ଏବେ ବ୍ରୋଞ୍ଚ ପଦକ ଜିତି ଅବନୀ ଆଉ ଏକ ଇତିହାସ ରଚିଛନ୍ତି। ଅବନୀ ଭାରତର ପ୍ରଥମ ଆଥଲେଟ୍ ଭାବେ କୌଣସି ପାରାଅଲମ୍ପିକ୍ସରେ ଡବଲ ପଦକ ଜିତିବାର ଗୌରବ ଅର୍ଜନ କରିଛନ୍ତି।
