ଫୁଲବାଣୀ,ଏନ୍ଏନ୍ଏସ୍: ସ୍ଥାନୀୟ ମାଦିକୁନ୍ଦା ପୁଲିସ୍ ରିଜର୍ଭ ପଡ଼ିଆ ଠାରେ ପୁଲିସ୍ ଓ ପ୍ରେସ୍ ୧୧ ମଧ୍ୟରେ ଏକ ବନ୍ଧୁପୂର୍ଣ୍ଣ କ୍ରିକେଟ୍ ମ୍ୟାଚ୍ ଅନୁଷ୍ଠିତ ହୋଇଯାଇଛି। ଏହି ମ୍ୟାଚ୍ରେ ପ୍ରେସ୍ କ୍ଲବ୍ ଦଳ ୧୦ ରନ୍ରେ ବିଜୟି ହୋଇଛନ୍ତି। ନିର୍ଦ୍ଧାରିତ ୧୫ ଓଭରର ଖେଳ ହୋଇଥିବା ବେଳେ ପ୍ରେସ୍ କ୍ଲବ୍ ପ୍ରଥମେ ବ୍ୟାଟିଂ କରି ୯ ଓ୍ବିକେଟ୍ ବିନିୟମରେ ୧୬୪ ରନ୍ କରିଥିବା ବେଳେ ପୁଲିସ ଏକାଦଶ ୮ ଉଇକେଟ୍ ହରାଇ ୧୫୪ ରନ୍ କରିବାରେ ସକ୍ଷମ ହୋଇଥିଲେ।
ପ୍ରେସ୍ କ୍ଲବ୍ର ଖେଳାଳି ମାନଙ୍କ ସମେତ ସଭାପତି ସୁନିଲ୍ ପଟନାୟକ, ସଂପାଦକ ପ୍ରଶାନ୍ତ ବେହେରା, ଅଜିତ ମହାରଣା, ଅଶୋକ ମହାନ୍ତି, ସଦାଶିବ ପାତ୍ର, ଜୟସେନ ପରିଡ଼ା, ଆଦିତ୍ୟ ପ୍ରସାଦ ତ୍ରିପାଠୀ, ସୂର୍ଯ୍ୟ ନାରାୟଣ ବେହେରା, ରମେଶ ଚନ୍ଦ୍ର ପ୍ରଧାନ ଓ ଅନ୍ୟମାନେ ଉପସ୍ଥିତ ରହି ଖେଳାଳି ମାନଙ୍କୁ ଉତ୍ସାହିତ କରିଥିବା ବେଳେ ପୁଲିସ୍ ଦଳର ମଧ୍ୟ ବହୁ ବରିଷ୍ଠ ପୁଲିସ ଅଧିକାରୀ ଉପସ୍ଥିତ ରହିଥିଲେ।
ପ୍ରେସ୍ କ୍ଲବ୍ର ଶିବରାମ ନାୟକ କ୍ୟାପେଟ୍ ଦାୟିତ୍ୱ ତୁଳାଇଥିବା ବେଳେ ପୁଲିସ ୧୧ ଦଳରେ
ଏସ୍.ଡ଼ି.ପି.ଓ ମହେନ୍ଦ୍ରନାଥ ମୁର୍ମୁ କ୍ୟାପଟେନ୍ ଦାୟିତ୍ୱ ତୁଲାଇଥିଲେ। ଉଭୟ ଦଳର ଖେଳାଳିମାନେ ବେସ୍ ଉତ୍ସାହର ସହିତ ଖେଳ ଖେଳିଥିବା ବେଳେ କନ୍ଧମାଳ ଏସ୍ପିଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅନୁଷ୍ଠିତ ଉକ୍ତ ବନ୍ଧୁତ୍ୱପୂର୍ଣ୍ଣ ମ୍ୟାଚ୍ର ପରିଚାଳନାରେ ଆର୍ଆଇ ଧର୍ମେନ୍ଦ୍ର ପ୍ରଧାନ ଓ ସଜେର୍ଣ୍ଟ ସରୋଜ ବେହେରା ଓ ଅନ୍ୟମାନେ ସହଯୋଗ କରିଥିଲେ।
